Juan 15:25 - Manobo Western Bukidnon

²⁵ Pinaag̵i kayi netuman diyà te kandan is tagnà diyà te kesug̵uan he impenurù dengan kandan he edhenduen te, ‘Minsan ke wazè dan ketezengan te igkuntedaha zan kedì, ne egkuntedahan e zan.’ ”

Juan 15:25 Кръстосани препратки

Mateo 10:8

Bewii niw is egkengezeruwan, benhawa niw is ebpatey, bewii niw is menge it-iten wey is ebpenlelungen te mezaat he mulin-ulin. Sikan is nezawat niw he ziyà ebpuun te Megbevayà ne wazè din peveyazi keniyu, ne kenè niw zaan peveyazi zuen te edtevangan niw.

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 10:34

Ne midtavak si Jesus te, “Duen insurat he Lalag te Megbevayà diyà te kesug̵uan tew he edhenduen te, ‘Migkag̵i ku he menge megbevayè kew.’ ”

Juan 13:18

Kenè kew pudu is egkeg̵iyan ku kayi su netuenan ku ke hengkey is gehinawa te uman sevaha keniyu te menge pinilì ku. Duen sevaha keniyu he ed-ekalan e zin. Umba egkeulaula heini su wey metuman sikan is netagnà dengan diyà te insurat he Lalag te Megbevayà he edhenduen te, ‘Is duma ku he ebpekidtug̵en kediey, iyan nehimu he kuntada ku.’

Juan 19:36

Umba neulaula haazà su egketuman sikan is tagnà diyà te insurat he Lalag te Megbevayà he edhenduen te, “Wazà minsan sevaha te menge tulan din he egkelepù.”

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Ruma 3:24

Iyan, tenged dà te g̵ag̵ew kenitew te Megbevayà ed-isipen kiw zin gihapun he metazeng he henduen be te wazè kiw mekeulaula te mezaat su midlibri kiw ni Jesu Kristu.

2 Kurintu 11:7

Hein impesavut ku ziyan te keniyu is Meupiya he Tudtulanen, wazà a mebpesuhul keniyu te minsan sengesintabus dà. Ne iyan benar is: mibpekeminus ku en is pid-etawan ku su wey ku sikiyu ikepelavew. Sayep ku ve heeyan?

Gelasya 2:21

Kenà egkehimu he kenè ku edewaten is gag̵ew te Megbevayà kedì su ke egkehimu he ed-isipen ki zin he metazeng pinaag̵i te kedtumana ta te kesug̵uan, wazè bes pulus te kebpehimatey ni Kristu!”

2 Tiselunika 3:8

Wazè key mekevuyù te egkeenen dey ziyà te minsan hentei, kekenà, mibeyazan dey. Maandew wey mezukilem midhag̵ù key mebaal su wey kew kenà medlised tenged kenami.

Impezayag 21:6

Ne ke sikandin en maan te, “Netuman en heini is langun. Siak, iyan a kes alpa wey umiga, he ke và dà egkeg̵iya, kes puunà wey egkepengkusan te minsan hengkey. Ke zuen egkemezahan, ibpeinum ku sikandin diyà te serebseb he zutun ebpuun is wahig he ebpekeveg̵ey te untung he wazà pidtemanan ne kenè ku sikandin ibpevayad.

Impezayag 22:17

Ne kes Wag̵as he Mulin-ulin wey kes egkeesawa te nati he kerehidu, ed-umew zan is egkag̵i te, “Tuu kew en.” Ne sikan is nekezineg kayi, ne kinahanglan he med-umew zaan he egkag̵i te, “Tuu kew en.” Is minsan hentei keniyu he egkemezahan, wey is minsan hentei he egkesuat, dewata zin en he wazà bayad is wahig he ebpekeveg̵ey te untung he wazà pidtemanan.