Juan 15:22 - Manobo Western Bukidnon

²² Angin ke wazà a mekehendini te kelibutan ne wazà a zaan mekepesavut kandan su kenà sikandan egkevesulan tenged te salè dan, iyan, guntaan wazè dan en igkepesangil.

Juan 15:22 Кръстосани препратки

Lucas 12:46

Su zutun te andew he wazè din peebuta wey te uras he wazè din metueni, ebpekeulì haazà is egalen din. Ne haazà is sulug̵uen, ebeelan diyà te kandin is iring te ebeelan diyà te menge sulug̵uen he kenà egkeserig̵an ne edhimetayan sikandin te egalen din.

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

Juan 15:23

Is egkuntada kediey, kenà iyan e zà egkuntedahan din, kekenà, egkuntedahan din daan is Amey ku he Megbevayà.

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 16:9

Iyan ibpesevuta zin kandan he mezaat is ulaula zan su wazè dan medtuu kediey.

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Juan 9:41

Ne midtavak si Jesus te, “Emun wazè niw metueni he lakap is kedsavut niw, wazè niw g̵eina salà, iyan, geina te egkag̵i kew he meupiya is kedsavut niw te hustu, kenà egkeawà is salè niw.”

Nengeulaula 17:30

Dengan hein wazè pa sikandin mekilala te menusiyà, mibpesagdan din is mezaat he ulaula te menge etew, iyan, guntaan indawey zin en te langun he menge etew te minsan hendei he ibpeiniyug̵an is memezaat he ulaula.

Ruma 1:20

Su is Megbevayà, minsan te kenà sikandin egkeahà, puun pa te kedlimbag̵a zin te kelibutan, egketuusan sikandin gihapun pinaag̵i te langun he midlimbag din, pinaag̵i te utew zekelà he g̵ehem din he wazè din pidtemanan, wey pinaag̵i te nekag̵i he kegkemegbevayè din. Ne tenged dutun kenà ebpekevarew is minsan hentei he kenè dan egketuenan he zuen Megbevayà.

Ruma 2:1

Netuenan ta he utew metazeng is idsiluti te Megbevayà te menge etew he ed-ulaula te menge mezaat he iring kayi, iyan, sikew is egkag̵i he utew mezaat heini is menge ulaula kayi te menge etew, wazè nu zaan kebpekeg̵awas su edsudien nu is mezaat he ulaula te zuma, iyan, mezaat daan is ed-ul-ulahan nu. Ne tenged kayi zutun te kedsudia nu kandin, nesudì nu zaan is kenikew he ulaula.

Santiago 4:17

Tentenuzi niw he ke netuenan te minsan hentei kenitew ke hengkey is meupiya he ed-ul-ulahan ne kenè din ed-ul-ulahan, nekesalà sikandin diyà te Megbevayà.

1 Pedro 2:16

Ne g̵eina te nelibri kiw en te Megbevayà, egkehimu he iyan kiw en ebayàbayà te ed-ul-ulahan tew, iyan, kinahanglan he kenè tew edhimuwen is kelibriyanan tew he pesangil wey kiw mekeulaula te mezaat. Su minsan pa te nelibri kiw en, kinahanglan he menge sulug̵uen kiw g̵ihapun te Megbevayà.