Juan 15:2 - Manobo Western Bukidnon

² Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Juan 15:2 Кръстосани препратки

Mateo 13:12

Su is etew he neketuu wey zuen kedsavut din, ed-umanan pa te Megbevayà te kedsavut su wey mehustu is kedsavut din. Iyan, sikan is kenà edtuu, id-awà te Megbevayà diyà te kandin sikan is deisey he nesavut din.

Mateo 13:33

Ne impenurù ni Jesus kandan is selakew pa maan he sempità. Ke sikandin te, “Is kebmezakel te edhedian te Megbevayà, ne iring daan te tapey. Su ke zuen bahi he ebaal te supas egkuwaan din is tapey ne idsahug din te sengebisin he erina. Ne edtulin haazà is erina,” ke si Jesus.

Mateo 15:13

Ne midtavak si Jesus te, “Ebezuten is minsan hengkey he pinemula he wazà ipemula te Amey ku he Megbevayà.

Mateo 21:19

Ne te uvey zutun te zalan neehè din is kayu he igira. Mibeyaan din haazà, iyan, wazà beg̵as he neehè din su menge zahun dà. Ne migkeg̵iyan din haazà is kayu te, “Kenè ke en mebeg̵as minsan keenu.” Ne wazà metegteg̵aad nelay-ub haazà is kayu.

Mateo 25:29

Su sikan is egkeserig̵an te insarig kandin, ed-umanan pa. Iyan, sikan is kenà egkeserig̵an, edhewien diyà te kandin minsan is deisek he insarig kandin.

Mateo 3:10

Is ebpiley te kayu, migkayew en su ebpemilayen din en is minsan hengkey he kayu he kenà meupiya is beg̵as din su wey mevinsuli, he ke và dà egkeg̵iya, is etew he kenà meupiya is ulaula zin, edsilutan sikandin te Megbevayà.

Mateo 3:12

Geina te ibpedsivey zin te edtapid is menge metazeng wey is menge lalung he etew, iring sikandin te ebpalid te parey he id-awè din is ukap. Ne haazà is parey, ederengdengen, iyan, is ukap, edtutungen din diyà te hapuy he kenà egkeevukan,” ke si Juan.

Mateo 7:19

Is kayu he mezaat is beg̵as din, ne ebpilayen ne ebinsulan.

Marcos 4:20

Ne sikan is benì he ziyà meketanà te meupiya he tanà, iyan is Lalag te Megbevayà he nezineg te menge etew ne midtuu zan; ne is Lalag te Megbevayà, ne ebpulus diyà te kandan. Is duma, ne ebpulus te zeisek diyà te kandan, ne is duma, ne ebpulus te malù dekelà, ne is duma, ne ebpulus te utew zekelà diyà te kandan.”

Lucas 8:13

Ne haazà is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg ne edtuuwan dan. Iyan, kenà egkeheg̵et is kedtuu zan ne kenè en utew egkeug̵et dutun emun egezaman ni Setanas is kedtuu zan, ne edlikù dan diyà te zaan he ulaula zan.

Juan 15:1

“Iyan a,” ke si Jesus, “sikan is puun te pinemula he paras ne is Amey ku he Megbevayà, iyan teg̵ipinemula.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:3

Nelumpiyuwan kew en pinaag̵i te kedhemeni niw te impenurù ku keniyu.

Juan 15:6

Su ke zuen etew he edsuwey kediey, ed-engkezan sikandin iring te subpang he idtimbag wey meg̵angu. Ne is menge subpang he nengeg̵angu, edtig̵umen ne idtimbag diyà te hapuy wey metutung.

Juan 15:8

Emun ebpenigudu kew ebpemeg̵as, he ke và dà egkeg̵iya, ke layun meupiya is menge vaal niw, egkezelig̵an te menge etew is Amey ku he Megbevayà ne egketuenan he tutuu kew iyan he menge sumusundan ku.

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Ruma 11:17

Is menge kevuwazan ni Israyil, ne iring sikandan te kayu he ulivu he ed-elimahan te Megbevayà. Ne zuen menge subpang dutun te kayu he midtamped te Megbevayà. Ne sikiyu is kenà menge Hudiyu, ne iring kew te menge subpang te wazà ipemula he ulivu he in-ilis te Megbevayà he impetuvù din dutun te midtempezan din te subpang. Ne iring ded daan guntaan utew meupiya is kedtuvazi keniyu te Megbevayà, iring te meupiya zaan is kedtuvazi zin dengan te menge Hudiyu.

Ruma 11:22

Ne pinaag̵i kayi egkesavut ta is gag̵ew te Megbevayà wey ke maan is edsilut sikandin. Midsilutan din is wazà mebpemineg, iyan, igkehizu kew zin ke edhemenan niw is gag̵ew zin, su emun kenà, ne id-awè kew zin daan.

Ruma 8:28

Sikitew is langun he mahal is Megbevayà diyà te g̵ehinawa zin, sikitew is midhimu zin he meketuu sumalà is tuyù diyà te isip din, netuenan tew he pinaag̵i te minsan hengkey he egkehitavù kenitew, edtuvazan kiw zin gihapun te meupiya.

1 Kurintu 13:1

Minsan ke ebeg̵ayan a te ketau te kegkag̵i te menge kineg̵iyan dini te kelibutan wey minsan is kineg̵iyan te menge velinsug̵uen diyà te langit, ne kenè ku ebmahalen is menge zuma ku, wazà pulus din su iring dà haazà is kegkag̵i ku te zag̵ing te ag̵ung etawa kulingtangan.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.