Juan 14:9 - Manobo Western Bukidnon

⁹ Ne midtavak si Jesus te, “Neug̵et en utew is kebpekiduma ku kenikew, Felipe, ne wazè nu ves metueni ke hentei a? Su is nekeahà kedì, ne nekeehè en daan te Amey ku he Megbevayà. Maan is egkesuat ka he ibpeehè ku kenikew is Amey ku?

Juan 14:9 Кръстосани препратки

Marcos 9:19

Ne zutun migkag̵i si Jesus te, “Sikiyu is menge etew g̵untaan, wazè niw iyan kedtuu te Megbevayà. Utew ves egkeug̵et is kebpekiduma ku keniyu. Utew ves egkeug̵et is kebpekeantus ku keniyu ne human kew edtuu. Ihengkayi niw heeyan is batà.”

Lucas 12:56

Tarù is ulaula niw! Su emun ed-ahaan niw is langit wey tanà egketuenan niw ke hengkey is egkehitavù te timpu, iyan, kenè niw uvag egkesavut ke hengkey is ed-ul-ulahan guntaan te Megbevayà pinaag̵i kedì.”

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Juan 10:30

Sevaha key zà, siak wey is Amey ku he Megbevayà.”

Juan 12:45

Is nekeahà kediey, nekeahà daan te Megbevayà he midsug̵ù kedì.

Juan 14:20

Ne zutun te andew te kedlikui ku keniyu, egketuenan niw he siak, diyà a te Amey ku wey is Amey ku, dini zaan te kediey, ne sikiyu, dini kew te kediey ne ziyà a zaan te keniyu.

Juan 14:7

Emun egketuenan niw ke hentei a, egketuenan niw zaan ke hentei is Amey ku. Puun guntaan netuenan niw en ke hentei sikandin su neehè niw en sikandin.”

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

1 Kurintu 15:12

Ne iyan impenurù dey keniyu is: nevanhew si Kristu. Ne tenged kayi, maan is egkeg̵iyen te zuma keniyu he kenà egkengevanhew keuzemà is menge minatey?

Pilipus 2:6

Su minsan ke kenà egkeawà diyà te kandin is kegkemegbevayè din wazè din isipa he kenè din ed-ewaan is kebpekesavuk din te zekelà is keg̵ehem din he Megbevayà,

Kulusas 1:15

Heini is Anak te Megbevayà, ne iyan kebpeg̵awag̵awa te kenà egkeahà he Megbevayà. Is Anak, ne lavew sikandin te minsan hengkey he linimbag din

Hibriyuhanen 1:3

Pinaag̵i kayi te Anak din ibpezayag is mekeg̵eg̵ehem he anlag te Megbevayà su neked-iring dan. Ke hengkey is Megbevayà ne iyan ded daan sikan is Anak din. Ne pinaag̵i te g̵ehem te kegkag̵i kayi te Anak ebeyveyaan din is minsan hengkey he linimbag. Ne hein nepasad din en is ked-ewaa zin te menge salè tew, mid-ulì diyà te langit ne mibpinuu ziyà te egkekewanan te Megbevayà su edhadì.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.