Juan 14:13 - Manobo Western Bukidnon

¹³ Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 14:13 Кръстосани препратки

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Mateo 7:7

Penigudu kew vuyù diyà te Megbevayà ne ebeg̵ayan kew zin; penigudu kew pen-ahà ne ibpeturedu zin keniyu is ebpen-ahaan niw. Penigudu kew penelehuzan ne ebpuwasan kew zin.

Marcos 11:24

Umba, egkeg̵iyan ku sikiyu he minsan hengkey is ebuyuen niw ziyà te Megbevayà, heg̵eta niw ziyà te g̵ehinawa niw he kenè en ebperis, ne egkezawat niw haazà is ebuyuen niw.

Lucas 11:9

Ne venar is egkeg̵iyen ku keniyu he penigudu kew vuyù diyà te Megbevayà ne ebeg̵ayan kew zin; penigudu kew pen-ahà ne ibpeturedu zin keniyu is ebpen-ahaan niw; penigudu kew penelehuzan ne ebpuwasan kew zin.

Juan 10:30

Sevaha key zà, siak wey is Amey ku he Megbevayà.”

Juan 12:44

Ne zutun mibpekezag̵ing megkag̵i si Jesus te, “Is edtuu kedì, kenà iyan e zà egketuuwan din, kekenà, egketuuwan din daan is Megbevayà he midsugù kedì.

Juan 13:31

Ne hein migenat en si Hudas, migkag̵i si Jesus te, “Meg̵aan en egkeahà ke sengemenu is kezekelà te g̵ehem ku te Kakey te Menusiyà, ne pinaag̵i kedì egkeahà daan ke sengemenu is kezekelà te g̵ehem te Amey ku he Megbevayà.

Juan 14:14

Su is minsan hengkey he ebuyuen niw tenged te kedtuu niw kediey, ebeelan ku.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

Juan 16:23

Ne zutun he andew wazè en kinahanglan he zuen id-insè niw kediey. Utew venar is egkeg̵iyen ku keniyu he ke zuen minsan hengkey he ebuyuen niw ziyà te Amey ku, ibeg̵ey zin keniyu tenged te kedtuu niw kediey.

Juan 16:26

Ne zutun he andew tenged te kedtuu niw kediey, iyan kew en egkag̵i te ebuyuen niw ziyà te Amey ku, ne kenè en kinahanglan he iyan e pa egkag̵i te ebuyuen niw ziyà te Amey ku

Juan 16:7

Ne minsan pa kayi, benar iyan is egkeg̵iyen ku he igkezeyzey niw is ked-ewai ku keniyu su emun kenè ku sikiyu ed-ewaan, kenà ebpekehendini te keniyu is Menenavang. Ne emun ed-awà a, edsug̵uen ku sikandin dini te keniyu.

Juan 4:10

Ne zutun midtavak si Jesus te, “Bayi, angin ke netuenan nu is ibeg̵ey kenikew te Megbevayà wey ke hentei a is ebuyù te wahig su ebpekevuyù ka pezem dini te kediey te wahig ne egkeveg̵ayan ka te wahig he ebpekeveg̵ey te untung he wazà pidtemanan.”

Juan 4:14

iyan, ke zuen ed-inum te wahig he ibeg̵ey ku kandin kenè en maan sikandin egkemezahan te minsan keenu. Su is wahig he ibeg̵ey ku kandin, egkehimu ziyà te kandin he ulu te wahig he ebpekeveg̵ey kandin te untung he wazà pidtemanan.”

Juan 5:19

Ne zutun midtavak si Jesus te, “Utew venar is egkeg̵iyen ku keniyu he siak is Anak te Megbevayà, wazà egkehimu ku te kediey zà duen he g̵ehem; iyan dà edhimuwen ku is egkeehè ku he edhimuwen te Amey ku. Is ebeelan din, iyan daan ebeelan ku.

Juan 7:37

Utew mahal ziyà te menge Hudiyu is ketepusan he andew te kedsilibra zan te pista. Ne hein netuman en haazà, midhitindeg si Jesus ne midhabet megkag̵i te, “Is etew he egkemezahan, medhendini te kediey ne ibpeinum ku sikandin.

1 Kurintu 14:13

Ne tenged kayi, is etew he ebpekekag̵i te kineg̵iyan he kenè din egketuenan, kinahanglan he iampù din he meveg̵ayi sikandin te ketau te kedluwas te egkeg̵iyen din.

Ipisu 2:18

Tenged te kebpekidsevaha tew ki Kristu, sikami is menge Hudiyu wey sikiyu is kenà menge Hudiyu, ebpekeuvey kiw en ziyà te Amey tew he Megbevayà pinaag̵i te kedtavang te Wag̵as he Mulin-ulin.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

Ipisu 3:14

Ne tenged kayi te langun he intuvad kenitew te Megbevayà, edluhuzan ku te ed-ampù is Amey tew he Megbevayà.

Pilipus 4:13

Egkehimu ku is minsan hengkey he ibpeulaula kedì tenged te tavang ni Kristu he iyan edlig-en kedì.

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.

Hibriyuhanen 13:15

Ne tenged dutun kinahanglan he pinaag̵i ki Jesus he memumuhat tew, iyan tew layun ibpemuhat diyà te Megbevayà is kedelig̵a tew kandin. Layun tew ibpaahà diyà te Megbevayà is kebpeselamati tew kandin.

Hibriyuhanen 4:15

Ne heini si Jesus is lavew he memumuhat tew, nesavut din is keg̵uyè tew tenged te kememenusiyai tew su neseg̵azan din he mibpenulayan sikandin dengan ni Setanas te minsan hengkey he paag̵i iring te ebpenulayan kiw zaan, iyan, wazà mulà sikandin mepenulayi.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Santiago 1:5

Ne ke zuen minsan hentei keniyu he egkereg̵enan su kenè din egketuenan ke hengkey is meupiya he paag̵i, mebuyù te ketau ziyà te Megbevayà, ne ebeg̵ayan sikandin su metulanged sikandin ne kenè ki zin edewayen ke ebuyù ki.

Santiago 5:16

Ne tenged dutun kinahanglan he petudtudtulè kew te menge salè niw su wey iampù te kada sevaha is duma zin ne wey meulii is egkengezeruwan. Utew mekeg̵eg̵ehem is ked-ampù te metazeng he etew.

1 Pedro 2:5

Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.

1 Juan 3:22

Ibeg̵ey zin kenita is ebuyuen ta su edtumanen ta is menge sug̵ù din wey ed-ul-ulahan ta is egkesuatan din.

1 Juan 5:14

Sikitew is nemeketuu, dekelà is kebpekesarig tew ke ed-ampù kiw ziyà te Megbevayà. Netuenan tew he ke zuen minsan hengkey he ebuyuen tew he kenà supak te egkesuatan din, ibeg̵ey zin kenitew.