Juan 13:18 - Manobo Western Bukidnon

¹⁸ Kenè kew pudu is egkeg̵iyan ku kayi su netuenan ku ke hengkey is gehinawa te uman sevaha keniyu te menge pinilì ku. Duen sevaha keniyu he ed-ekalan e zin. Umba egkeulaula heini su wey metuman sikan is netagnà dengan diyà te insurat he Lalag te Megbevayà he edhenduen te, ‘Is duma ku he ebpekidtug̵en kediey, iyan nehimu he kuntada ku.’

Juan 13:18 Кръстосани препратки

Mateo 10:36

Ne iyan egkekuntada te etew is menge megeget he kezuzumahi zin.

Mateo 26:21

Ne hein egkaan dan en dutun migkag̵i si Jesus te, “Duen egkeg̵iyen ku keniyu. Iyan is: sevaha kayi te keniyu is ed-akal kedì wey a mehimetayi.”

Mateo 26:23

Ne midtavak si Jesus te, “Sevaha kayi te edtug̵en kedì iyan ed-akal kedì.

Marcos 14:17

Ne hein mezukilem dutun, si Jesus wey is sepulù wey zezuwa he sumusundan din, nekeuma zan dutun te valey.

Marcos 14:18

Ne te ziyè dan te lemisahan su kemulu zan pa egkaan, migkag̵i si Jesus te, “Duen egkeg̵iyen ku keniyu. Iyan is: sevaha keniyu kayi te ebpemengaan guntaan he zuma ku is ed-akal kedì wey a mehimetayi.”

Marcos 14:20

Ne ke si Jesus te, “Iyan is sevaha keniyu te sepulù wey zezuwa he ebpekidtug̵en kedì kayi te edtengelan.

Lucas 22:21

Sevuta niw heini,” ke si Jesus, “he sikan is etew he ebpalad kedì diyà te menge kuntada ku, ne kayi zed guntaan duma tew te ebpememimpinuu!

Juan 13:21

Ne te kegkeg̵iya zutun ni Jesus, utew mibmesakit is gehinawa zin ne migkeg̵iyan din is menge sumusundan din te, “Utew venar is egkeg̵iyen ku keniyu he ed-ekalan a te sevaha keniyu wey a mehimetayi.”

Juan 13:22

Ne mibpetengtengtengà haazà is menge sumusundan din su wazè dan metueni ke hentei is egkeg̵iyen din.

Juan 13:26

Ne midtavak si Jesus te, “Emun igkezehulit ku en heini is supas, ne is ebeg̵ayan ku, iyan sikandin.” Ne indehulit din haazà is supas, ne imbeg̵ey zin ki Hudas he anak ni Simon he tigKeriyuti.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:19

Emun duma kew te menge kuntada te Megbevayà ebmahalen kew zan, iyan, geina te kenè kew zan duma ne egkuntedahan kew zan su mibpilì ku sikiyu wey kew mekesuwey ziyà te kandan.

Juan 15:25

Pinaag̵i kayi netuman diyà te kandan is tagnà diyà te kesug̵uan he impenurù dengan kandan he edhenduen te, ‘Minsan ke wazè dan ketezengan te igkuntedaha zan kedì, ne egkuntedahan e zan.’ ”

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Juan 18:32

(Umba neulaula heini su egketuman is midtagnà ni Jesus he edhimetayan sikandin pinaag̵i te kedrensanga te krus.)

Juan 19:24

Ne tenged dutun migkag̵i is menge sundaru te, “Kenè tew ebindasen, kekenà, edripahan tew wey tew metueni ke hentei kenitew is ebpekeg̵aked.” Umba neulaula zan heini su egketuman kes netagnà dengan he Lalag te Megbevayà he insurat he edhenduen te, “Mibahinbahin dan is ugelingen ku ne midripahan dan is bisti ku.” Ne neulaula haazà dutun te menge sundaru.

Juan 19:36

Umba neulaula haazà su egketuman sikan is tagnà diyà te insurat he Lalag te Megbevayà he edhenduen te, “Wazà minsan sevaha te menge tulan din he egkelepù.”

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.

Nengeulaula 1:2

taman en te kebetuna kandin te Megbevayà pehendiyà te langit. Hein midhimetayan si Jesus ne nevanhew, mezakel is paag̵i te kebpaahaa zin te menge epustul te timaan he nevanhew en sikandin. Su seled te kepatan he andew zutun, layun sikandin ebpaahà kandan. Impenurù din kandan is kedhadì te Megbevayà. Ne te wazè pa sikandin betuna pehendiyà te langit, impenurù din daan pinaag̵i te g̵ehem te Wag̵as he Mulin-ulin is ebpeveelan din kandan te menge epustul he zaan he nepilì din.

2 Kurintu 4:5

Kenà iyan dey ibpenurù su wey key mevantug te menge etew, kekenà, iyan dey ibpenurù su wey mevantug si Jesu Kristu he iyan Nengazen te langun. Sikami, edtevangan dey en sikiyu su wey zey metuman is sug̵ù ni Jesus.

Hibriyuhanen 4:13

Is Megbevayà, kenà sikandin egkeelesan te minsan hengkey. Egkeehè din layun is minsan hengkey he ed-ul-ulahan ta. Ne ke minsan hengkey is ed-ul-ulahan ta, iyan sikandin edsusi.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.