Juan 13:13 - Manobo Western Bukidnon

¹³ Iyan niw id-umew kedì is Menunudlù wey Egalen, ne hustu en heeyan su iyan a iyan egalen niw.

Juan 13:13 Кръстосани препратки

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Lucas 10:28

Ne zutun migkag̵i si Jesus diyà te kandin te, “Benar is nekag̵i nu. Ne iyan ul-ulaha nu ne ebeg̵ayan ka te untung he wazà pidtemanan.”

Lucas 6:46

Ne mid-uman megkag̵i si Jesus te, “Maan is egkeg̵iyen niw he iyan a egalen niw, iyan, kenè niw edtumanen is menge sambag ku keniyu.

Lucas 7:43

Ne ke si Simon te, “Iyan buwa lavew he utew zekelà is gehinawa zin te etew he neutangan dan sikan is dekelà is utang din he wazè en peveyazi kandin.” Ne ke si Jesus te, “Benar, su iyan sikandin utew lavew he zekelà is gehinawa zin dutun te etew he neutangan dan.”

Juan 11:2

Iyan si Maria kes bahi he inhaplas din is agwa ziyà te menge paa ni Jesus, ne interapu zin dutun is menge vulvul zin. Ne meemahan dutun haazà is egkezeruwan he si Lazaro.

Juan 11:28

Ne te nekag̵i ni Marta haazà, mibeyaan din sikan is suled din he si Maria ne midnèneesan din te, “Nekeuma en si Jesus ne ibpehendiyè ke zin.”

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

1 Kurintu 12:3

Ne tenged kayi ibpesavut ku zaan keniyu he ke zuen etew he ed-ulinan te Wag̵as he Mulin-ulin, kenà egkehimu he egkeg̵iyen din he zait he edrewaken si Jesus, ne iring din ded daan kenà egkehimu he egkeg̵iyen din he Nengazen din si Jesus emun kenà pinaag̵i te ked-ulini kandin te Wag̵as he Mulin-ulin.

1 Kurintu 8:6

Ne minsan pa zutun, sikitew, netuenan tew mulà he sebsevaha zà is kenitew he Megbevayà he iyan Amey tew he nenlimbag te minsan hengkey. Iyan sikandin edlingahaan tew te minsan hengkey he timpu. Ne sebsevaha zà daan is Nengazen tew he iyan si Jesu Kristu. Pinaag̵i kandin nelimbag is minsan hengkey, ne pinaag̵i zaan kandin mibeg̵ayan kiw en te veg̵u en he untung.

Ipisu 6:9

Ne sikiyu is menge egalen, iring din ded daan kayi is ul-ulaha niw ziyà te menge sulug̵uen niw. Kenè kew mebpelihandek kandan su netuenan niw he sikitew is langun, ke sulug̵uen ki wey ke egalen ki ve, ne zuen gihapun egalen ta ziyà te langit he iyan is Megbevayà ne wazè din ibpelavi te minsan hentei.

Pilipus 2:11

ne ebpekekag̵i zan he iyan si Jesu Kristu Nengazen te minsan hengkey. Ne pinaag̵i kayi egkevantug dan daan is Amey tew he Megbevayà.

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,

Santiago 2:19

Emun midtuu ki he sebsevaha zà is Megbevayà utew meupiya heeyan, iyan, kenè pa hustu su minsan is menge mezaat he mulin-ulin, midtuu zan daan te iring keniyan, iyan, egkerkeren dan te kegkehandek su netuenan dan he edsilutan sikandan keuzemà.