Juan 13:1 - Manobo Western Bukidnon

¹ Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 13:1 Кръстосани препратки

Mateo 26:45

Ne zutun midlikuan din sikandan ne migkag̵i te, “Kemulu kew ves nehurep he ebpemenhidhizeg̵à? Siak is Kakey te Menusiyà, iyan en heini timpu he ibpalad a ziyà te menge lalung he etew.

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Lucas 22:53

Ne hein duma a keniyu kada andew ziyà te Valey te Megbevayà is ebpenurù ne wazà a keniyu zutun dà dekepa. Iyan, iyan heini g̵untaan kes timpu he imbanglis keniyu wey niw meveeli is egkesuatan ni Setanas.”

Lucas 9:51

Ne hein egkeuvayan en is andew te kebpeewaa ki Jesus dini te kelibutan su ed-ulì en diyà te langit ne netivuuk is gehinawa zin te kedhendiyà te Hiruselim ne zutun migenat dan.

Juan 11:55

Meg̵aan en dutun is pista te menge Hudiyu he egngezanan te Kedlevayi, ne te wazè pa meuma haazà is pista, ne mezakel he menge etew is nemenekezeg diyà te Hiruselim he ebpemuun te menge zuma he inged su edtumanen dan is tuluuwen te menge Hudiyu te kebpelumpiyu.

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 13:29

Kunaan te zuma he ibpepemasa ni Jesus sikandin te egkinehenglanen dan he idsilibra te pista, ne emun kenà, duen ibpeveg̵ey ni Jesus diyà te menge egkengeayuayu. Umba iyan haazà netag̵ù diyà te g̵ehinawa zan su si Hudas, iyan edtipig te selapì dan.)

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Juan 13:34

Beg̵u en he sug̵ù is ibpetuman ku keniyu. Iyan is: kinahanglan he mahala ziyà te g̵ehinawa te uman sevaha keniyu is minsan hentei keniyu. Iring te mahal kew zini te g̵ehinawa ku, kinahanglan he mahal ziyà te g̵ehinawa te uman sevaha keniyu is minsan hentei keniyu.

Juan 14:28

Nezineg niw is migkag̵i ku he ed-ewaan ku sikiyu ne edlikù e zed dini te keniyu. Angin ke tutuu he mahal a ziyà te g̵ehinawa niw su igkelipey niw pezem heini su g̵untaan egkehimu he ed-ulì a ziyà te Amey ku he iyan lavew kenà a.

Juan 14:31

iyan, is ed-ul-ulahan ku g̵untaan, ne iyan insug̵ù kediey te Amey ku he Megbevayà. Edtumanen ku heini su wey metueni te menusiyà he mahal zini te g̵ehinawa ku is Amey ku. Ne kuwa kew en su ed-awè kiw kayi.”

Juan 16:28

Diyà a ebpuun te Amey ku ne midhendini a te kelibutan. Ne g̵untaan ed-ewaan ku heini is kelibutan ne ed-ulì ad diyà te Amey ku.”

Juan 17:1

Ne hein nekepasad si Jesus dutun he egkag̵i, midlingahà diyà te langit ne ke sikandin te, “Amà, iyan en heini sikan is netagnà he timpu. Ipeehè nu en is dekelà he bentug̵an ku te Anak nu wey ku zaan ikepaahà is kezekelà te kenikew he bentug̵an.

Juan 17:16

Wazè dan upakat te menge etew he kuntada nu iring te wazè ku zaan upakat dutun te menge kuntada nu.

Juan 17:26

Impesavut ku kandan ke hentei ka ne ibpenigudu ku pa ibpesavut kandan heini su wey mehimu he ziyà a te kandan ne mahal ziyà te g̵ehinawa te uman sevaha kandan is minsan hentei kandan iring te mahal a zaan diyan te g̵ehinawa nu.”

Juan 17:5

Ne guntaan, Amà, iulì nu kediey ziyan te etuvangan nu sikan is daan he utew ku kegkelavew he iyan kes kegkelavew ku zengan hein diyan e pa te kenikew te wazè pa limbag̵a is kelibutan.

Juan 18:4

Ne zutun, si Jesus, geina te wazà mekeeles diyà te kandin is langun he egkehitavù kandin, midsinug̵ung din sikandan ne mid-insà te, “Hentei is ebpen-ahaan niw?”

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Juan 2:13

Meg̵aan en dutun edtumana te menge Hudiyu ziyà te inged he Hiruselim is Pista te Kedlevayi. Ne tenged kayi midhendiyà ensi Jesus te Hiruselim.

Juan 6:4

Egkesipeg̵an dutun is andew he edsilibrahan te menge Hudiyu is pista he egngezanan te Kedlevayi.

Juan 7:30

Ne edekepen dan pezem si Jesus dutun, iyan, wazà nekeaku he egawed kandin su wazè pa itug̵ut te Megbevayà.

Juan 7:6

Ne migkag̵i si Jesus diyà te kandan te, “Wazè pa metuman is hustu he timpu wey ku ikepaahà is menge vaal ku, iyan, sikiyu, layun niw egkeveeli is egkeisip niw he ebeelan niw.

Juan 8:20

Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.

Ruma 8:37

Ne minsan pa ke egkerasey ki kenè ki ebpetalew su ebpekeveg̵ey kenita te kelipey is ked-entusa ta kayi, ne pinaag̵i te g̵ehem ni Kristu, iyan ki ebpekezaag su utew zekelà is gag̵ew zin kenita.

1 Kurintu 1:8

Iyan sikandin edlig-en keniyu taman te ketepusan he timpu su wey wazà igkesewayi keniyu zutun te andew keuzemà te kedlikù din.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Hibriyuhanen 6:11

Ne is kada sevaha keniyu, egkesuatan dey he kenè niw zaan engkezi is kedhag̵ù niw taman te kedlikù ni Jesus dutun te ketepusan he timpu keuzemà su wey zutun metuman diyan te keniyu is langun he meupiya he ebpeebuten tew.

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.

1 Juan 4:19

Umba utew en mahal sikandin dini te g̵ehinawa tew su nehuna kiw zin he mibmahal ziyà te kandin he g̵ehinawa.