Juan 12:34 - Manobo Western Bukidnon

³⁴ Ne migkag̵i zutun is menge etew te, “Duen impenurù kenami he ebpuun te insurat he Lalag te Megbevayà he kenè en ebpatey is mibpilì te Megbevayà he ibpahadì. Ne sikew, egkag̵i ka he ibayew ziyà te tukud is Kakey te Menusiyà. Hentei heini is egkeg̵iyen nu he Kakey te Menusiyà?”

Juan 12:34 Кръстосани препратки

Mateo 16:13

Midhendiyà ensi Jesus te inged he uvey te inged he Sisarya Pilipus. Ne hein nekeuma zan en dutun, mid-insaan din is menge sumusundan din te, “Siak is Kakey te Menusiyà, hentei e kun sumalà te ked-isipa kediey te menge etew?”

Mateo 21:10

Ne hein nekeuma si Jesus diyà te Hiruselim, mibmeg̵urub is menge meg̵inged dutun. Ebpein-inseey zan ke, “Hentei sikandin?”

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Juan 10:34

Ne midtavak si Jesus te, “Duen insurat he Lalag te Megbevayà diyà te kesug̵uan tew he edhenduen te, ‘Migkag̵i ku he menge megbevayè kew.’ ”

Juan 12:32

Ne siak, emun ibayew ad pinaag̵i te tukud he ibpehitindeg, duen ibpekekabig ku te langun he menge etew.”

Juan 15:25

Pinaag̵i kayi netuman diyà te kandan is tagnà diyà te kesug̵uan he impenurù dengan kandan he edhenduen te, ‘Minsan ke wazè dan ketezengan te igkuntedaha zan kedì, ne egkuntedahan e zan.’ ”

Juan 8:28

Ne tenged dutun migkag̵i en maan si Jesus te, “Siak is Kakey te Menusiyà, dutun te kedrensanga niw kedì keuzemà diyà te kayu he ibpehitindeg, egketuenan niw human he iyan a sikan is mibpilì te Megbevayà he ibpahadì. Egketuenan niw zutun he is langun he mibeelan ku, impeveelan kedì te Amey ku he Megbevayà wey is ibpekag̵i zin kedì, iyan nekag̵i ku.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Ruma 5:18

Ne iring din ded daan, egkeehè ta he tenged te sevaha he mezaat he mid-ulaula ni Adan, nehukuman is langun he menge etew te silut, iyan, tenged te sevaha zaan he metazeng he mid-ulaula ni Jesu Kristu he iyan is kebpehimatey zin, egkehimu he ed-isipen te Megbevayà he metazeng is langun he menge etew he edtuu ne ibeg̵ey kandan is untung he wazà pidtemanan.

Hibriyuhanen 7:24

Iyan, si Jesus, wazà pidtemanan mulà te kandin he untung ne kenà sikandin egkeilisan he memumuhat.