Juan 12:1 - Manobo Western Bukidnon

¹ Mekeenem pa zutun is Pista te Kedlevayi, ne nekeuma si Jesus diyà te Bitanya he inged ni Lazaro, kes mibanhew ni Jesus.

Juan 12:1 Кръстосани препратки

Mateo 21:17

Ne mid-ewaan din sikandan ne mid-awà sikandin dutun te inged he Hiruselim ne midhendiyà te inged he Bitanya, ne zutun medhizeg̵à.

Marcos 11:11

Ne hein nekeume en ensi Jesus diyà te Hiruselim midseled sikandin diyà te lavew he simbahan te menge Hudiyu he egngezanan te Valey te Megbevayà. Ne hein neehè din is langun dutun te seled te simbahan, mid-awà sikandin dutun. Ne g̵eina te mahapun en midhendiyà te inged he Bitanya zuma is menge sumusundan din.

Lucas 24:50

Ne te nekepasad si Jesus dutun is egkag̵i ne mid-uwit din sikandan diyà te g̵awas te inged he Hiruselim, ne hein diyè dan en te uvey te inged he egngezanan te Bitanya, ne imbayew zin is menge velad din su ebpenubtuvazan din sikandan.

Lucas 7:37

Ne zutun he inged duen bahi he mezaat is dengeg din. Ne hein netuenan kayi te vahi he zutun egkaan si Jesus te valey te Perisiyu, midhendutun sikandin is ed-uwit te meputì he pelenahan he vatu he elebastru he midteg̵uan te mehemut he agwa he mahal utew.

Juan 11:1

Duen maama he nezeruwan. Is ngazan din si Lazaro he tigBitanya. Duen dezuwa he etevey zin he zutun daan ed-ubpà te Bitanya, si Maria wey si Marta.

Juan 11:43

Ne te nekag̵i zin heini, midhabet megkag̵i te, “He Lazaro, gawas ka keniyan!”

Juan 11:44

Ne migawas si Lazaro he nevanhew. Nevukusan is lawa zin wey menge velad din wey paa zin te manggad. Ne is ulu zin, nevukusan te penuwilu. Ne migkag̵i si Jesus te, “Bedbazi niw wey ipaawà.”

Juan 11:55

Meg̵aan en dutun is pista te menge Hudiyu he egngezanan te Kedlevayi, ne te wazè pa meuma haazà is pista, ne mezakel he menge etew is nemenekezeg diyà te Hiruselim he ebpemuun te menge zuma he inged su edtumanen dan is tuluuwen te menge Hudiyu te kebpelumpiyu.

Juan 12:12

Ne nepawà dutun te kedheplasi ki Jesus, sikan is utew mezakel he menge etew he ebpemenelavuk dutun te pista, nezineg dan he edhendiyà si Jesus te Hiruselim.

Juan 12:20

Ne zuen menge Gerisyahanen he nemenelavuk daan dutun te pista su edsimba zan te Megbevayà diyà te Hiruselim.

Juan 12:9

Nezineg te utew mezakel he menge etew he ziyà si Jesus te inged he Bitanya, ne nemenhendutun dan. Kenà iyan dan dà ed-ahaan si Jesus, kekenà, ed-ahaan dan daan si Lazaro sikan is mibanhew zin.