Juan 11:48 - Manobo Western Bukidnon

⁴⁸ Emun ebpesegdanen tew, edtuuwan te langun he menge etew he iyan sikandin sikan is mibpilì te Megbevayà he ibpahadì. Ne emun iyan en heini vag̵ad, ebeyaan kiw te menge sundaru te hadì tew ziyà te Ruma, ne edèdeetan dan is simbahan tew he Valey te Megbevayà wey is gubirnu tew.”

Juan 11:48 Кръстосани препратки

Mateo 22:7

Ne zutun utew nepauk haazà is hadì. Midsug̵ù din is menge sundaru zin ne sikan is nemumunù, mibpenhimetayan te menge sundaru ne mibinsulan dan is inged dutun te mibpenhimetayan dan.

Mateo 22:9

Umba, ikula niw is menge kersada he mezakel is menge etew zuen, ne minsan pira he etew is egkeehè niw ne ipehendini niw.’

Mateo 24:15

Si Daniel, sikan is ebpeneuven te Megbevayà dengan, netagnè din is egngezanan te melimezang he ebpekekaid. (Is ebpekevasa kayi te netagnè din, kinahanglan he sevuta zutun te nekevasa haazà is nevasa zin.) Ne emun egkeehè niw he ziyè en heini ebpekehitindeg te Valey te Megbevayà,

Mateo 27:25

Ne midtavak is langun he menge etew te, “Uya, kenami en he salà is kedhimetayi kayi wey salà daan te menge kevuwazan dey!”

Lucas 11:52

Mekehizuhizu kew keuzemà sikiyu is menge menunudlù te kesug̵uan su ed-elangan niw is menge etew wey zan kenà metueni is hustu he ibpevayà pehendiyà te Megbevayà. Kenè kew egkesuat he ed-ikul te hustu he ibayà, iyan, ed-eg̵enen niw is etew he egkesuat he ed-ikul zutun!”

Lucas 8:12

Ne haazà is benì he ziyà mengeulug te zalan, ne iyan is Lalag te Megbevayà he nezineg te menge etew ne zutun ebpekeuma si Setanas ne edhimuwen din he egkelipatan dan haazà is lalag he nezineg dan su wey kenè dan meketuu ne kenà melibri te silut.

Juan 1:7

su wey zin ikepenurù diyà te menge etew he iyan si Jesu Kristu sikan is tutuu he kerayag, su wey meketuu is tivuuk he menusiyà pinaag̵i zutun te penurù.

Nengeulaula 5:28

ke sikandin te, “Imbelaud dey keniyu he kenè niw ipenurù is kedtuu te ngazan ni Jesus. Ne hengkey heini is mid-ulaula niw? Insangyew niw is penurù niw zini te tivuuk he Hiruselim ne kenà taman dà kayi is mid-ulaula niw, kekenà, iyan key pa keniyu ebesulan te kedhimetayi ki Jesus.”