Juan 11:24 - Manobo Western Bukidnon

²⁴ Ne migkag̵i si Marta te, “Uya, netuenan ku he egkevanhew sikandin keuzemà ke ebpemenhawen is menge minatey zutun te ketepusan he andew.”

Juan 11:24 Кръстосани препратки

Lucas 14:14

Ne emun iyan heini ulaula nu ne utew zekelà is kelipey nu su kenè dan ebpekesambey he ed-umbita kenikew ne kenè dan egkevelesan is meupiya he mid-ulaula nu kandan, ne iyan is Megbevayà ebales kenikew te utew meupiya he egkeulaula zutun keuzemà te kegkengevanhew te menge etew he memeupiya is ulaula.”

Juan 11:23

Ne migkag̵i si Jesus te, “Egkevanhew zed is kakey nu.”

Juan 6:39

Ne is Amey ku he Megbevayà he midsug̵ù kediey, iyan din egkesuatan is: edlig-enan ku is langun he menge etew he imbeg̵ey zin kediey su wey wazà minsan sevaha kandan he kenà egkeveg̵ayan te untung. Ne ebenhawen ku sikandan keuzemà dutun te ketepusan he andew.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Nengeulaula 24:15

Is edtuuwan kayi te menge etew, edtuuwan ku zaan su edtuu a he is Megbevayà, ebenhawen din keuzemà is langun he etew, se meupiya is ulaula zin se mezaat is ulaula zin.

Hibriyuhanen 11:35

Ne zuen daan menge vahi zengan he zekelà is kedtuu zan ne pinaag̵i kayi nevanhew is menge anak dan he minatey en. Ne zuen pa zaan menge tumutuu zengan te Megbevayà he midakep, ne minsan pa te midrasey sikandan taman te kebpatey, wazè dan medlekà te kedtuu zan su wey sikandan keuzemà egkevanhew zutun te tuwas pa he meupiya he untung.