Juan 11:15 - Manobo Western Bukidnon

¹⁵ Ne tenged keniyu inmeupiya heini te g̵ehinawa ku te wazà a ziyà te kebpatey zin su zuen ibpeehè ku keniyu wey med-iseg is kedtuu niw kediey. Ne kuwa kiw en su edhendiyè kiw te kandin.”

Juan 11:15 Кръстосани препратки

Juan 11:14

Ne zutun migkag̵i si Jesus kandan te, “Minatey en si Lazaro.

Juan 11:16

Ne si Tomas, kes migeraran dan te Sereping, migkag̵i ziyà te menge zuma zin he sumusundan te, “Edhendiyè kiw en su wey kiw mebpatey zuma ki Jesus.”

Juan 11:4

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Juan 12:30

Ne migkag̵i si Jesus te, “Umba mibpekidlalag is Megbevayà, kenà tenged kediey, kekenà, tenged keniyu su wey niw mezineg is egkeg̵iyen din.

Juan 17:19

Ne tenged kandan ibpeveyveyaan ku kenikew is gehinawa ku su wey zan daan ikepurung ikepeveyveyai kenikew is gehinawa zan.

Juan 2:11

Iyan haazà nehuna he egkein-inuwan he mibeelan ni Jesus; midhimu zin diyà te inged he Kana ziyà te prubinsya he Geliliya, ne pinaag̵i zutun impeehè din is dekelà he g̵ehem din ne midtuu kandin is menge sumusundan din.

2 Kurintu 4:15

Ne umba ed-entusen dey is langun he mereg̵en su wey kew iyan mezeyzey, su emun egketukid en is mezakel he etew te g̵ag̵ew te Megbevayà, ne zutun ed-iseg he ebmezakel is ebpekepeselamat te Megbevayà ne egkevantug is Megbevayà.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

1 Juan 5:13

Sikiyu is nemeketuu en te Anak te Megbevayà, ebpesuratan ku sikiyu wey niw metueni he zuen niw en untung he wazà pidtemanan.