Juan 11:11 - Manobo Western Bukidnon

¹¹ Ne mid-uman megkag̵i si Jesus te, “Nekelipezeng en is emig̵u tew he si Lazaro. Umba edhendiyà a te kandin su wey ku sikandin mepukew.”

Juan 11:11 Кръстосани препратки

Mateo 27:52

Ne zuen menge surung he penlevengà he zutun nengepuwasan, ne nengevanhew is mezakel he menge tumutuu te Megbevayà,

Mateo 9:24

ne migkeg̵iyan ni Jesus sikandan te, “Pemen-awè kew is langun. Wazà mebpatey heeyan is batà, kekenà, midlipezeng.” Ne mid-engitan dutun te menge etew si Jesus.

Marcos 5:39

Ne midseled ensi Jesus dutun te valey ne migkeg̵iyan din sikandan te, “Maan is egkengeg̵isaweg kew? Maan is ebpemenineg̵ew kew? Wazà mebpatey heeyan is batà, kekenà, midlipezeng!”

Juan 11:10

Ne ke zuen edhipanew te mezukilem, ebpekesipà su kenè en merayag.”

Juan 11:12

Ne migkag̵i haazà is menge sumusundan din te, “Emun nekelipezeng en, meupiya su egkeulian en.”

Juan 11:13

Iyan ibpesavut dutun ni Jesus is: minatey en si Lazaro, iyan, kunaan te menge sumusundan din ke kedlipezeng dà duen is egkeg̵iyen din.

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

Juan 3:29

Penenglitan ke zuen mibpengesawa, ne naangken din en haazà is mid-esawa zin. Sikan is kumekag̵un dutun, utew meupiya is gehinawa zin emun egkezineg din haazà is mibpengesawa he ebpekidlalag en dutun te mid-esawa zin. Ne iring din ded daan su utew ibmeupiya te g̵ehinawa ku zaan ke mezakel is edsundan ki Jesus. Kinahanglan he ed-iseg is bentug̵an ni Jesus, iyan, is kedì, kinahanglan he egkeawà,” ke si Juan.

Nengeulaula 7:60

Ne zutun nekeluhud ne mid-uman megkag̵i te, “He Nengazen, kenè nu isipa he idsilut kandan heini is salè dan.” Ne te nekag̵i zin haazà, naawà is gehinawa zin.

1 Kurintu 15:18

Ne haazà is menge zuma tew he tumutuu he nemematey en, wazè en daan paag̵i he melibri pa sikandan, kekenà, egkesilutan sikandan gihapun.

1 Kurintu 15:34

Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

1 Kurintu 15:51

Pemineg̵a niw heini is daan he in-eles he impesavut kediey te Megbevayà. Duen duma kenitew te menge tumutuu he kenà ebpatey, asal, sikitew is langun, segugunà egkehalin is lawa tew.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

1 Tiselunika 5:10

Ne minsan ke uuyag kiw pa wey ke minatey kiw en be zutun te kedlikù ni Kristu, duen tew en gihapun untung he wazà pidtemanan duma kandin su iyan heini ketezengan ke maan is mibpehimatey sikandin.

Santiago 2:23

Ne tenged dutun egkesavut ta he utew tutuu sikan is insurat he Lalag te Megbevayà he edhenduen te, “Midtuu si Abraham te Megbevayà, ne tenged dutun te kedtuu zin, mid-isip sikandin te Megbevayà he metazeng.” Ne migeraran sikandin he Emig̵u te Megbevayà.