Juan 10:32 - Manobo Western Bukidnon

³² Ne migkag̵i ziyà te kandan si Jesus te, “Mezakel is impeehè ku keniyu he menge meupiya he vaal he insug̵ù kedì te Amey ku he Megbevayà. Hendei zapit kayi te menge vaal ku is idtulenga niw kediey?”

Juan 10:32 Кръстосани препратки

Juan 10:25

Ne midtavak si Jesus te, “Migkag̵ì ku en keniyu ne wazè niw tuuwi. Is menge egkein-inuwan he midhimu ku he iyan insug̵ù te Amey ku he Megbevayà, iyan tuus ke hentei a.

Juan 10:31

Ne hein nezineg haazà te menge Hudiyu mibpengamì dan en maan te menge vatu he idtuleng dan kandin su edhimetayan dan pezem.

Juan 10:33

Ne midtavak diyà te kandin haazà is menge Hudiyu te, “Kenà iyan dey idtulenga kenikew is meupiya he vaal, kekenà, geina te edsupaken nu is Megbevayà su maan is egkag̵i ka he Megbevayà ka te etew ke zà duen!”

Juan 10:37

Is menge vaal te Amey ku he Megbevayà, iyan ebeelan ku. Emun kenà, kenà a keniyu tuuwi.

Juan 5:36

Iyan, duen kebpenistig̵us he lavew pa kenà is ki Juan, su is langun he mibpeveelan kediey te Amey ku he Megbevayà he ed-ul-ulahan ku, iyan edtistig̵us he midsug̵ù a te Amey ku he Megbevayà.

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 2:22

Ne mid-uman megkag̵i si Pedro te, “Sikiyu is menge zuma ku he kevuwazan ni Israyil, pemineg̵a niw is egkeg̵iyen ku. Si Jesus, kes tigNeserit, sug̵ù sikandin te Megbevayà. Impesavut kenitew te Megbevayà he sug̵ù din si Jesus pinaag̵i te g̵ehem din wey menge egkein-inuwan wey menge singyal he mibpeveelan kandin te Megbevayà. Netuenan niw en heini is egkeg̵iyen ku su neulaula heini is langun dini te inged niw.

1 Juan 3:12

Kenè tew ed-iringan si Kain su sakup sikandin ni Setanas ne mibunù din is hazi zin. Umba mibunù din su mezaat is kandin he ulaula ne metazeng mulà is menge ulaula te hazi zin.