Juan 10:13 - Manobo Western Bukidnon

¹³ Umba ebpelag̵uy haazà is sinuhulen su kenà iyan sikandin sikan is tutuu he ed-elima, ne kenà daan mahal ziyà te g̵ehinawa zin haazà is menge kerehidu.

Juan 10:13 Кръстосани препратки

Juan 10:12

Is etew he sinuhulan dà, kenà tutuu he ed-elima su kenà kandin is menge kerehidu. Ne emun egkeehè din is ebpekeuma he leew he asu he egngezanan te lubu, ed-ewaan din haazà is menge kerehidu ne ebpelag̵uy. Ne ebengaan dutun te lubu is sevaha he kerehidu ne is duma, ne ebpekedsusuwey.

Juan 10:14

Iyan a kes ed-elima te menge kerehidu he utew meelima. Netuenan ku ke hentei is Amey ku, ne netuenan din daan ke hentei a is anak din. Iring din ded daan is menge etew he g̵aked ku, netuenan dan ke hentei a ne egketuenan ku zaan ke hentei sikandan, ne ebpehimatey a he elili te menge etew he g̵aked ku.

Juan 12:6

Iyan ingkekeg̵iya zin dutun, kenà te hizu zin te menge egkengeayuayu, kekenà, tenged te tekawen sikandin. Iyan sikandin ibpetipig eni Jesus te selapì dan ne ebpenekawen din is duma zutun.

Nengeulaula 18:17

Ne is menge kenà Hudiyu zutun, midakep dan si Sustinis, is edumala te simbahan te menge Hudiyu, ne mibpemug̵el zan dutun te uvey te hukmanan. Ne minsan pa zutun wazà itetenged haazà ni Galyu.

1 Kurintu 7:32

Egkesuatan ku pezem he wazà utew mezakel he kelibutanen he igkesemuki keniyu. Is maama he wazè din esawa, iyan dà seeng din is kedtumana zin te ebpeveelan kandin te Nengazen su iyan din ed-isipen layun is egkesuatan te Nengazen.

1 Kurintu 7:33

Iyan, is maama he zuen din esawa, layun din daan ed-isipen is menge igkeseeng dini te kelibutan su wey mesuat is esawa zin.

Pilipus 2:20

Iyan dà sikandin duma ku kayi he utew zekelà is gehinawa zin keniyu.