Juan 1:7 - Manobo Western Bukidnon

⁷ su wey zin ikepenurù diyà te menge etew he iyan si Jesu Kristu sikan is tutuu he kerayag, su wey meketuu is tivuuk he menusiyà pinaag̵i zutun te penurù.

Juan 1:7 Кръстосани препратки

Juan 1:12

Asal is minsan hentei he nekezawat wey midtuu kandin, mibeg̵ayan din sikandan te ketenged wey zan mehimu he menge anak te Megbevayà.

Juan 1:15

Ne heini si Juan, impesavut din ke hentei sikandin. Midhabet si Juan megkag̵i te, “Iyan heini sikan is etew he migkag̵i ku he ke siak te, ‘Duen etew he egkehuziyan kedìey he lavew pa kenà siak, su zengan te wazè e pa ianak, daan en sikandin,’ ” ke si Juan.

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 1:36

Ne neehè din en maan si Jesus is edsag̵ad. Ke si Juan te, “Iyan heeyan sikan is etew he iring te ibpemuhat he Nati he Kerehidu he imbeg̵ey te Megbevayà!”

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Nengeulaula 19:4

Ne ke si Pablo maan te, “Sikan is kebewtismu he impenurù ni Juan, ne tuus dà te ked-iniyug̵i te mezaat he ulaula, asal impenurù daan ni Juan te menge tig-Israyil he kinahanglan daan he medtuu zan te ed-ilis kandin he iyan si Jesus.”

Gelasya 3:26

Ne g̵eina te iyan haazà, nehimu kew en pudu he menge anak te Megbevayà tenged dà te kedtuu niw ki Jesu Kristu.

Ipisu 3:9

Ne elin daan insug̵ua zin kediey su wey ku ikepesavut diyà te minsan hentei he etew ke hengkey is kedtumana zin te zaan he mid-isip din he ebeelan. Ne wazà dengan heini ipezayag su in-eles te Megbevayà he nenlimbag te minsan hengkey.

1 Timoteo 2:4

su iyan din egkesuatan is wey melibri te silut is tivuuk he menusiyà ne wey zan daan metueni is tutuu he tuluuwen.

Tito 2:11

Impeg̵awag̵awa en guntaan is gag̵ew te Megbevayà su wey mehimu he melibri te silut is tivuuk he menusiyà.

2 Pedro 3:9

Kunaan te zuma ke edlanganlangan is Nengazen su maan is kenè din edtumanen is pesarig din he edlikù sikandin. Kenà sikandin edlanganlangan, kekenà, utew sikandin mepelevayen keniyu su kenè din egkesuatan he zuen minsan sevaha he kenà egkelibri te silut. Egkesuatan din he meiniyug̵i te langun is menge ulaula zan he mezaat.