Juan 1:44 - Manobo Western Bukidnon

⁴⁴ TigBitsayda si Felipe, ne is inged he Bitsayda, iyan daan ed-ubpaan ni Andres wey ni Pedro.

Juan 1:44 Кръстосани препратки

Mateo 10:3

Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Mateo 11:21

Ne ke sikandin te, “Mekehizuhizu kew is menge tigKurasin! Mekehizuhizu kew zaan is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku heini ziyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan is ulu zan he tuus te ed-iniyug̵an dan en is memezaat he ulaula.

Marcos 6:45

Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Marcos 8:22

Ne nekeuma zan diyà te inged he Bitsayda ne zuen menge etew zutun he mid-uwit dan diyà te ki Jesus is sevaha he lakap. Ne midhengyuan dan si Jesus he zempaa zin haazà wey meulii.

Lucas 10:13

Ne mid-uman megkag̵i si Jesus te, “Mekehizuhizu kew keuzemà is menge tigKurasin! Mekehizuhizu kew zaan keuzemà is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku haazà diyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan en is ulu zan he tuus te ed-iniyug̵an dan is memezaat he ulaula.

Lucas 6:14

Is menge etew he nengepilì din dutun iyan ensi Simon he sikan is migeraran din ki Pedro, wey sikan is hazi ni Simon he si Andres, si Santiago wey si Juan, si Felipe wey si Bartolome,

Lucas 9:10

Ne mid-ulì sikan is sepulù wey zezuwa he epustul ni Jesus ne midtudtul zan kandin is langun he mid-ulaula zan. Ne zutun miduma zin sikandan he iyan dan dà pehendiyà te inged he Bitsayda.

Juan 1:43

Ne hein mid-ilis he andew zutun neisip ni Jesus he edhendiyà te prubinsya he Geliliya. Mibeyaan din si Felipe ne ke sikandin te, “Duma ka kedì.”

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 1:46

Ne zutun migkag̵i si Natanael te, “Duen be etew he zuen din pulus he tigNeserit?” Ne ke si Felipe te, “Edhendiyè ki wey nu maahà.”

Juan 1:48

Ne ke si Natanael te, “Maan is egkekilala a kenikew?” Ne ke si Jesus te, “Te wazè ke pa beyai ni Felipe, neehè ku sikew is diyà te sihung te kayu he igira.”

Juan 12:21

Ne midhendiyè dan te ki Felipe. (Ne si Felipe, tigBitsayda, diyà te prubinsya he Geliliya.) Ne ke sikandan te, “Egkesuat key he ebpekidlalag ki Jesus.”

Juan 12:22

Ne si Felipe, migkag̵i zin heini ziyà te ki Andres, ne zutun mibpezumehè dan pehendiyà te ki Jesus, ne midtudtul zan kandin.

Juan 6:5

Ne mibpememantew si Jesus ne neehè din is utew mezakel he menge etew he ebpemehendiyà te kandin. Ne migkeg̵iyan din si Felipe te, “Hendei kiw ebpekekuwa te egkeenen he ibpekaan tew kayi te menge etew?”

Juan 6:7

Ne midtavak si Felipe te, “Minsan ke utew zekelà is egestuwen tew he selapì, minsan dezuwa he g̵atus he dinaryu, ne ebeg̵ayan tew is kada sevaha te minsan sengepindut dà he egkeenen, kenè pa ebpeketukid.”

Nengeulaula 1:13

Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.