Juan 1:38 - Manobo Western Bukidnon

³⁸ Midteren si Jesus ne midlilingey ne neehè din he eduma sikandan ne ke sikandin te, “Hengkey is tuyù niw?” Ne ke sikandan te, “Rabi,” he ke và dà egkeg̵iya, Menunudlù, “hendei ka ed-ubpà?”

Juan 1:38 Кръстосани препратки

Lucas 10:39

Ne zuen dutun hazi ni Marta he egngezanan ki Maria. Ne mibpinuu si Maria ziyà te uvey ni Jesus su ebpurung ebpemineg te menge penurù ni Jesus.

Lucas 14:25

Ne sengeandew zutun te edhipanew si Jesus ne utew mezakel is menge etew he ebpemenduma kandin. Ne midsineruwan din sikandan te egkag̵i te,

Lucas 15:20

Ne iyan dà haazà neisip din ne zutun midtandang sikandin med-ulì. Ne meziyù pa sikandin ne nepantew en dutun te amey zin. Ne utew nehizu haazà is amey zin he ed-ahà kandin. Ne mibpelelag̵uy is amey zin he edsinug̵ung kandin ne migkepkepan ne midhezekan sikandin te amey zin.

Lucas 19:5

Ne hein nekeuma si Jesus dutun te puun te kayu he mibpemenehikan ni Sekiyu ne midteren ne midlingahà ne ke sikandin te, “He Sekiyu, gaanggaan ke en penaug keniyan su kinahanglan he ziyan a ebpemenahik te valey nu g̵untaan.”

Lucas 22:61

Ne zutun midlilingey ni Jesus si Pedro ne midtengtengan din. Ne zutun human metenuzi ni Pedro sikan is migkag̵i ni Jesus kandin he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.”

Lucas 8:38

Ne zutun, haazà is etew he veg̵u he neulian, midhangyù sikandin ki Jesus, ke sikandin te, “Egkesuat a he eduma kenikew.” Iyan, wazà ipezuma ni Jesus, kekenà, impeulì din. Ke si Jesus te,

Juan 1:37

Ne hein nezineg heini zutun te menge sumusundan din he zezuwa, miduma zan ki Jesus.

Juan 1:39

Ne midtavak si Jesus te, “Duma kew kedì wey niw maahà.” Ne miduma zan ne neehè dan is ed-ubpaan din. Mahapun en dutun ne wey zan med-ulì hein mezukilem en.

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

Juan 12:21

Ne midhendiyè dan te ki Felipe. (Ne si Felipe, tigBitsayda, diyà te prubinsya he Geliliya.) Ne ke sikandan te, “Egkesuat key he ebpekidlalag ki Jesus.”

Juan 18:4

Ne zutun, si Jesus, geina te wazà mekeeles diyà te kandin is langun he egkehitavù kandin, midsinug̵ung din sikandan ne mid-insà te, “Hentei is ebpen-ahaan niw?”

Juan 18:7

Ne mid-uman med-insà si Jesus te, “Hentei is ebpen-ahaan niw?” Ne midtavak dan med-uman te, “Si Jesus he tigNeserit.”

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Juan 3:26

Ne midhendiyè dan te ki Juan ne ke sikandan te, “Menunudlù, sikan is etew he zuma nu hein diyè ka layun te wahig he Hurdan, sikan is migkag̵i nu, ebpemewtismu zaan sikandin ne mezakel he etew is edsundan kandin.”

Juan 4:31

Ne zutun te kemulu pa haazà is bahi ziyà te inged, migkeg̵iyan si Jesus te menge sumusundan din te, “Datù, kaan ka.”

Juan 6:25

Ne hein nekezunggù dan neehè dan sikandin. Ne mid-insè dan te, “He Menunudlù,” ke sikandan, “keenu ka mekeuma zini?”

Nengeulaula 10:21

Ne mibpenaug si Pedro ne migkeg̵iyan din sikandan te, “Iyan a ebpen-ahaan niw. Hengkey is tuyù niw kedì?”

Nengeulaula 10:29

Ne tenged dutun, kayi te mibpeveyaan a keniyu, ne wazà a melenew he edhendini. Ne g̵untaan tudtula niw ke hengkey is igkinehenglana niw kedì.”