Juan 1:19 - Manobo Western Bukidnon

^19-20 Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 1:19 Кръстосани препратки

Juan 1:7

su wey zin ikepenurù diyà te menge etew he iyan si Jesu Kristu sikan is tutuu he kerayag, su wey meketuu is tivuuk he menusiyà pinaag̵i zutun te penurù.

Juan 10:24

Ne midtig̵um diyà te kandin is menge punuan he menge Hudiyu, ne mid-insaan dan sikandin te, “Maan is kemulu nu pa id-eles kenami ke hentei ka? Keg̵iyi key. Iyan ke ve sikan is mibpilì te Megbevayà he ibpahadì?”

Juan 10:31

Ne hein nezineg haazà te menge Hudiyu mibpengamì dan en maan te menge vatu he idtuleng dan kandin su edhimetayan dan pezem.

Juan 11:19

Mezakel is menge Hudiyu he midhendutun te ki Marta wey ki Maria su edlangan dan kandan tenged dutun te meemahan dan he minatey.

Juan 2:18

Ne zutun mid-insaan si Jesus te menge punuan te menge Hudiyu, ke sikandan te, “Duen be egkein-inuwan he igkepeehè nu wey key meketuu he mibeg̵ayan ka te Megbevayà te keg̵ehem he ibpaawè nu heini is menge etew puun kayi te valey zin?”

Juan 2:20

Ne midtavak dan te, “Kepatan wey heenem he tuig is kebeeli kayi he valey ne egkevangun nu ve seled dà te tetelu he andew?”

Juan 5:10

Umba, haazà is etew he neulian, nepeukan sikandin te menge punuan he Hudiyu; ke sikandan te, “Iyan heini Andew te Kedhimeley ne ebpekesupak ka te kesug̵uan tew ke ed-uwiten nu heeyan is ikam.”

Juan 5:15

Ne zutun mid-awà haazà is neulian ne migkeg̵iyan din is menge punuan he menge Hudiyu he iyan si Jesus mibawì kandin.

Juan 5:16

Umba puun dutun nepeukan si Jesus te menge punuan he menge Hudiyu su utew zan ingkeepes haazà is kebewii zin te egkezeruwan dutun te andew he Sebadu.

Juan 5:18

Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Juan 6:41

Ne zutun nengepauk ki Jesus haazà is menge punuan he menge Hudiyu tenged te migkag̵i zin he ke sikandin te, “Iyan a sikan is egkeenen he ebpuun diyà te langit.”

Juan 6:52

Ne zutun egkesumpakì is menge punuan he menge Hudiyu. Ke sikandan te, “Ebmenmenuwen kayi te etew is kebeg̵aya zin kenitew te lawa zin su wey tew mekaan?”

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 7:11

Ne zutun te pista, ebpen-ahaan sikandin te menge punuan he menge Hudiyu. Ke sikandan te, “Hendei vuwa sikandin?”

Juan 7:15

Utew ingkeinuinu sikandin te menge punuan he menge Hudiyu, ne migkag̵i zan te, “Hendei vuwa ebpuun is ketau kayi he etew su kenè man metikang is netunghaan din?”

Juan 8:22

Ne zutun mibpein-inseey zan te, “Kela ke edhiket su maan is egkag̵i sikandin te ke hendei sikandin ebpevayà, kenè kiw ebpeketelukun?”

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

Juan 8:57

Ne zutun migkag̵i ki Jesus haazà is menge Hudiyu te, “Wazè pa megkelimahan he tuig is penuig̵en nu, ne hengkey is kegkeseuta nu ki Abraham?”

Nengeulaula 13:25

Ne zutun te meg̵aan en egkepasad ni Juan is ebpeveelan kandin te Megbevayà, migkeg̵iyan din is menge etew te, ‘Kunaan niw vuwa ke iyan a sikan is ebpeebuten niw he hadì, iyan, kenà a iyan. Ebpekesunud sikandin kediey ne lavew sikandin kedì su minsan te kedhekaza zà te hiket te sepatus din kenè e pa zait.’

Nengeulaula 19:4

Ne ke si Pablo maan te, “Sikan is kebewtismu he impenurù ni Juan, ne tuus dà te ked-iniyug̵i te mezaat he ulaula, asal impenurù daan ni Juan te menge tig-Israyil he kinahanglan daan he medtuu zan te ed-ilis kandin he iyan si Jesus.”

1 Juan 1:5

Ibpesavut ku keniyu is impesavut kenami te Anak te Megbevayà he is Megbevayà, iyan sikandin puunà te kerayag ne wazà minsan hengkey he merusirem diyà te kandin.