Ipisu 6:9 - Manobo Western Bukidnon

⁹ Ne sikiyu is menge egalen, iring din ded daan kayi is ul-ulaha niw ziyà te menge sulug̵uen niw. Kenè kew mebpelihandek kandan su netuenan niw he sikitew is langun, ke sulug̵uen ki wey ke egalen ki ve, ne zuen gihapun egalen ta ziyà te langit he iyan is Megbevayà ne wazè din ibpelavi te minsan hentei.

Ipisu 6:9 Кръстосани препратки

Mateo 22:10

Ne migenat haazà is menge sulug̵uen din ne mid-ikul zan is menge kersada, ne is langun he etew he neuma zan, meupiya is ulaula zin se mezaat is ulaula zin, ne mid-umbita zan. Ne nepenù haazà te etew is turug̵an te hadì.

Mateo 22:8

Ne midtig̵um te hadì is menge sulug̵uen din ne ke sikandin te, ‘Nelemise en is keenen, iyan, sikan is ibpemetelavuk ku, kenè bes dait kayi te keemuran ku.

Mateo 24:48

Iyan, kehizu zin ke iyan diyà te isip din is egkeug̵et pa ed-ulì haazà is egalen din,

Mateo 24:51

Ne haazà he sulug̵uen, edsilutan sikandin dutun te egalen din ne ebeelan diyà te kandin is iring te ebeelan daan diyà te menge etew he tarù is kedtuu zan. Ne zutun ebpekekulahì sikandin ne ebpekengingitel tuus te utew zin kebpekedsendit.”

Mateo 7:12

Is egkesuatan niw he ed-ul-ulahan te menge zuma niw ziyà te keniyu, iyan niw zaan ul-ulaha ziyà te kandan. Iyan heini hustu he kedtumana te kesug̵uan he imbilinbilin ni Moises. Iyan daan heini kes impenurù dengan te menge ebpeneuven te Megbevayà.

Lucas 6:31

Is meupiya he egkesuatan nu he ed-ul-ulahan te zuma ziyà te kenikew, ne iyan nu ul-ulaha ziyà te kandan.

Juan 13:13

Iyan niw id-umew kedì is Menunudlù wey Egalen, ne hustu en heeyan su iyan a iyan egalen niw.

Nengeulaula 10:34

Ne zutun migkag̵i si Pedro te, “Netuenan ku en he venar iyan he wazà ibpelavi te Megbevayà te minsan hentei,

Ruma 2:11

su is Megbevayà, wazè din ibpelavi te minsan hentei.

1 Kurintu 7:22

Minsan ke uripen ka zutun te kedhimuwa kenikew he tumutuu te Nengazen, iyan ked-ahaa zin kenikew is kenè ka uripen. Ne iring din ded daan, minsan pa ke kenè ki uripen, emun tumutuu ki te Nengazen ne uripen ki g̵ihapun ni Kristu.

Kulusas 3:25

Su sikan is etew he ed-ulaula te mezaat, ne edsilutan sikandin sumalà is keveg̵at te salè din su wazà ibpelavi te Megbevayà te minsan hentei.

Kulusas 4:1

Ne sikiyu zaan is duen din uripen, purungi niw is kedumala niw te menge uripen niw ne iveg̵ey niw kandan is metazeng wey hustu he ibeg̵ey ne kenè niw lipati he zuen daan teg̵iuripen keniyu ziyà te langit.

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.

Santiago 2:8

Utew meupiya is ed-ul-ulahan niw emun edtumanen niw is lavew he sug̵ù te Nengazen he egkevasa niw ziyà te insurat he lalag din he edhenduen te, “Kinahanglan he mahala nu is duma nu; isipa nu sikandin he iring te kenikew en he g̵ehinawa.”

Santiago 5:4

Is selapì he wazè niw isuhul te edterebahu ziyà te menge tanè niw, ne iyan idsumbunga zan keniyu ziyà te Megbevayà. Is sumbung keniyu te nemenlegtey ziyà te menge luti niw, nezineg en te utew mekeg̵eg̵ehem he Nengazen.