Ipisu 6:5 - Manobo Western Bukidnon

⁵ Sikiyu is menge sulug̵uen, purungi niw tumana is menge sug̵ù keniyu te menge egalen niw zini te kelibutan. Tehuza niw sikandan ne kinahanglan he ebpuun te meupiya he g̵ehinawa niw is kedtumana niw te menge sug̵ù dan iring te iyan si Kristu edsug̵ù keniyu.

Ipisu 6:5 Кръстосани препратки

Mateo 6:22

Is mata ta, ne iring te sulù kayi te lawa ta su emun merayag is ked-ehè ta, he ke và dà egkeg̵iya, metazeng is ulaula ta, ne henduen be te egketeyawan is tivuuk he lawa ta.

Mateo 6:24

Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.

Mateo 8:9

Netuenan ku heini su iring te zuen ebayàbayà kedì, ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha he medhendini ne edhendini en; ne edsug̵uen ku zaan is sulug̵uen ku ke zuen ebpeveelan ku ne ebeelan din en. Ne iring din ded daan diyan te kenikew su is egkeg̵iyen nu ne egkehimu en.”

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Ruma 9:3

Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.

1 Kurintu 2:3

Ne hein nekeuma a ziyan te keniyu utew a migkulbai su utew a egkehandek su kela ke kenè ku egkehimu is ebpeveelan kedì te Megbevayà.

1 Kurintu 7:22

Minsan ke uripen ka zutun te kedhimuwa kenikew he tumutuu te Nengazen, iyan ked-ahaa zin kenikew is kenè ka uripen. Ne iring din ded daan, minsan pa ke kenè ki uripen, emun tumutuu ki te Nengazen ne uripen ki g̵ihapun ni Kristu.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 7:15

Umba ed-iseg kew ebmahal ziyà te g̵ehinawa zin su egketenuzan din is kedtumana niw te menge sug̵ù ku wey is kegkeg̵alew niw kandin asal utew niw zutun ingkelenew kes kebpekeuma zin su nahandek kew ke zuen wazè niw metuman.

Ipisu 5:22

Sikiyu is menge vahi, pesakup kew te menge esawa niw iring te nesakup kew en te Nengazen.

Ipisu 6:24

Berakat he ikeg̵ag̵ew te Megbevayà is minsan hentei he kenà egkeawà diyà te g̵ehinawa zin is kebmahala zin te Nengazen tew he si Jesu Kristu.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

Pilimun 1:16

Ne g̵untaan kenà sikandin uripen nu zà duen, kekenà, utew pa mahal kenà is uripen su suled nu en daan tenged te kedtuu zin ki Kristu. Utew sikandin mahal zini te g̵ehinawa ku ne mahal pa zaan diyan te kenikew, kenà tenged dà te uripen nu, kekenà, tenged daan te suled nu en tenged te Nengazen.

1 Pedro 3:2

Su egkeehè dan is kedtahud niw te Megbevayà wey is ulaula niw he wazà igkesewayi zuen.