Ipisu 6:17 - Manobo Western Bukidnon

¹⁷ Ne zewata niw is kedlibriya keniyu te Megbevayà su iyan heini kalù niw he putew. Ne g̵emita niw layun daan is Lalag te Megbevayà su iyan heini sundang he ibeg̵ey keniyu te Wag̵as he Mulin-ulin.

Ipisu 6:17 Кръстосани препратки

Mateo 4:4

Ne midtavak si Jesus te, “Duen insurat he Lalag te Megbevayà he edhenduen te, ‘Kenà iyan dà igkeuyag te menusiyà is egkeenen, kekenà, elin daan egkinehenglanen din is minsan hengkey he lalag he egkeg̵iyen te Megbevayà.’ ”

Mateo 4:7

Ne midtavak si Jesus te, “Duen daan insurat he Lalag te Megbevayà he edhenduen te, ‘Kenè kew mebaal te paag̵i he igezam niw te g̵ehem te Nengazen he iyan Megbevayè niw.’ ”

Ipisu 5:26

ne wey kiw mezawat te Megbevayà. Midhimu zin heini pinaag̵i te kedlumpiyuwi zin kenitew pinaag̵i te kebewtismu wey pinaag̵i te lalag din.

1 Tiselunika 5:8

Iyan, sikitew mulà is nesakup te maandew, kinahanglan he ed-eg̵enen tew is menge mezaat he suat tew. Idsun-ud tew is limbutung he iyan is kedtuu tew te Megbevayà wey is kebmahala tew zini te g̵ehinawa tew te menge zuma tew. Ne iring te kalù tew te sundaru is kedhemeni tew te kebperateng tew te kedlibriya te Megbevayà kenitew te silut.

Hibriyuhanen 4:12

Uuyag is Lalag te Megbevayà ne zekelà is gehem din. Iring te sundang he zezuwa is gerangan din he utew meg̵arang, iyan, meg̵arang pa is Lalag te Megbevayà kenà haazà is sundang su edlembasan din minsan is isip ta, gehinawa ta, wey tuyù ta ne igkepetuenan din kenita ke hengkey is ked-isipa kenita te Megbevayà.

Impezayag 1:16

Ne ziyà te kewanan din migewezan din is pitu he vituen. Ne edlepew ziyà te vèbè din is sundang he zezuwa is gerangan din he utew meg̵arang. Ne is buked din, henduen te edsig̵a he andew he utew merayag.

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.

Impezayag 19:15

Ne midlepew ziyà te vèbè din is sundang he utew meg̵arang ne egemiten din haazà te kedsulituwa zin te langun he menge g̵inhedian dini te lumpad te kelibutan. Utew mezesen is kebayàbayè din kandan ne ibpeehè din is rerangit kandan te mekeg̵eg̵ehem he Megbevayà. Henduen sikandin te egkeres te menge kuntada zin, su ke và dà beg̵as te paras is menge etew ne henduen sikandin te egkeres te veg̵as te paras.

Impezayag 2:16

Iniyug̵i niw heini is mezaat he ulaula su emun kenà, meg̵aan ku en sikiyu ebeyai ne edtebeken ku heini is menge etew. Iyan gumaan ku heini is sundang dini te vèbè ku he iyan is lalag ku.