Ipisu 5:9 - Manobo Western Bukidnon

⁹ Su emun neteyawan te Megbevayà is isip niw, egkeulaula niw is langun he hustu wey metazeng he vaal he ibpenurù te tutuu he tuluuwen.

Ipisu 5:9 Кръстосани препратки

Mateo 3:8

Emun tutuu he mid-iniyug̵an niw en is ulaula niw he mezaat, ipeehè niw pinaag̵i te menge meupiya he vaal niw.

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Ruma 15:14

Menge suled, netuenan ku en he layun meupiya is menge ulaula niw, ne netuenan ku zaan he nepurung niw en mesavut is Lalag te Megbevayà, ne egkehimu en he ebpekepenurù kew te zuma.

Ruma 2:4

Kunaan nu vuwa ke g̵eina te utew mepelevayen wey metulanged is Megbevayà, ne kenè en kinahanglan he ebpezumdumahan nu is menge lalag din. Iyan, iyan ketezengan ke maan is utew velig̵eg̵awen is Megbevayà su ed-eg̵aken ke zin su wey nu meiniyug̵i is mezaat he ulaula.

Ipisu 4:15

Ne sikitew mulà, kinahanglan he tutuu is ibpesavut tew ziyà te menge zuma tew tenged te mahal sikandan dini te g̵ehinawa tew. Ne pinaag̵i kayi ebpekeiseg is kebpekeiring tew te minsan hengkey he ulaula ni Kristu.

Ipisu 4:25

Umba, menge suled, engkezi niw is kedtarùtarù. Kinahanglan he tutuu is egkeg̵iyen niw ziyà te menge zuma niw. Su nesevaha kiw he pudu parti te lawa ni Kristu.

Ipisu 6:14

Ne tenged kayi, andam kew en. Layun tutuu is egkeg̵iyen niw wey ed-isipen niw ne iyan heini bakes niw. Ul-ulaha niw layun is metazeng he ulaula ne iyan heini limbutung niw.

Pilipus 1:11

Ne zutun egkeveelan niw is minsan hengkey he metazeng he ulaula tenged te g̵ehem he ibeg̵ey ni Jesu Kristu su wey mezalig wey mevantug is Megbevayà.

Kulusas 3:18

Sikiyu is menge vahi, pevayàbayà kew te esawa niw su iyan heini hustu he ulaula te vahi he tumutuu te Nengazen.

1 Timoteo 6:11

Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu.

Hibriyuhanen 1:8

Ne iyan lalag din diyà te Anak din is: “Iyan ka Megbevayà ne wazà pidtemanan te kedhadì nu. Metazeng is kedumala nu te g̵inhedian nu.

Hibriyuhanen 11:33

Su pinaag̵i te kedtuu zan te Megbevayà nengezaag te zuma kandan is menge sundaru te menge zekelà he inged. Ne is menge zuma pa, metazeng is kedhedii zan te menge sakup dan, ne is duma pa, nezawat dan is impenaad kandan te Megbevayà, ne is duma, nezaag dan is ebpekekaid he erimaung ne wazè dan mekag̵at.

1 Juan 2:29

Netuenan te en he metazeng si Kristu. Netuenan ta zaan he minsan hentei he metazeng is menge ulaula zin, nehimu en sikandin he anak te Megbevayà.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.