Ipisu 5:14 - Manobo Western Bukidnon

¹⁴ Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

Ipisu 5:14 Кръстосани препратки

Lucas 1:78

Su utew hihizuwen kenitew is Megbevayà. Is kedlibriya zin kenitew te silut, ne iring te kedsilà te andew emun egkepawà.

Lucas 15:24

Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Juan 9:5

Kayi te zini e pa te kelibutan, iyan a kerayag he ebpeketayew te tivuuk he menusiyà.”

Nengeulaula 13:47

Iyan heini ebpeveelan kenami te Nengazen su zuen insurat he lalag din he edhenduen te, ‘Midhimu ku sikew he sulù he ebpeketayew te menge etew he kenà menge Hudiyu wey mesangyew ziyà te egketemanan te kelibutan is kedlibriya ku te menge etew wey zan kenà mesiluti.’ ”

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

1 Kurintu 15:34

Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Ipisu 2:1

Dengan, henduen kew te minatey su wazè niw pa untung he wazà pidtemanan tenged te kenè kew pa zutun ebpemineg te menge sug̵ù te Megbevayà wey tenged te menge mezaat he ulaula niw.

Ipisu 2:5

Ne minsan pa te iring kiw te minatey tenged te kenè tew kebpemineg te menge sug̵ù din, dutun te kebenhawa zin ki Kristu, inragkes kiw zin daan su wey tew maangken is untung he wazà pidtemanan. Midlibri kiw zin te silut tenged dà te g̵ag̵ew zin kenitew.

Kulusas 3:1

Ne, menge suled, nevanhew si Kristu ne iring te nevanhew kiw zaan duma kandin su zuen tew en untung he wazè din pidtemanan. Ne tenged kayi, kinahanglan he ebpurungan ta layun ed-isipa is ibpeisip-isip kenita te Megbevayà diyà te langit he zutun edhadì si Kristu he ebpinuu ziyà te zapit te egkekewanan te Megbevayà.

1 Tiselunika 5:6

Umba kinahanglan he kenà iring te kedlipezeng is ulaula tew su iring kayi is ulaula te zuma he etew he wazà meketuu. Kinahanglan he ed-andam kiw ne ed-eg̵enen tew is menge mezaat he suat tew.

2 Timoteo 1:10

Ne g̵untaan impeehè en kenita haazà is gag̵ew zin su mibpeetew si Jesu Kristu he iyan Menluluwas tew. Ne si Jesus, in-awè din is gehem te kemetayen ne pinaag̵i te Meupiya he Tudtulanen impesavut din kenita he egkeveg̵ayan ki te untung he wazà pidtemanan.

2 Timoteo 2:26

Ne pinaag̵i zutun human ebmetandang is ked-isipa zan te langun, ne human dan egkepeleg̵uyi is gehem ni Setanas su iyan si Setanas nekezakep kandan wey zan metuman is egkesuatan din.