Ipisu 5:10 - Manobo Western Bukidnon

¹⁰ Purungi niw istudyuwi ke hengkey is menge ulaula he egkesuatan te Nengazen.

Ipisu 5:10 Кръстосани препратки

Ruma 14:18

Ne ke pinaag̵i kayi edsundanan ta si Kristu, igkesuat ki utew te Megbevayà, ne egkesuatan daan te menge etew is menge ulaula ta.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

Kulusas 1:10

Su emun ebeelan din is iring kayi, ne human egkehimu is menge ulaula niw he zait he menge ulaula te menge etew he neg̵aked te Nengazen tew, ne egkehimu zaan he layun niw egkeveeli is egkesuatan din; layun niw egkeulaula is minsan hengkey he menge meupiya he ulaula. Ne layun daan ed-iseg is kegketueni niw te menge ulaula te Megbevayà.

1 Tiselunika 5:21

kekenà, gezami niw is langun ne tipig̵i niw is meupiya.

1 Timoteo 2:3

Umba idhangyù ku heini su meupiya is ked-ampù he iring kayi. Iyan heini igkesuat te Megbevayà he Menluluwas tew

1 Timoteo 5:4

Ke zuen balu he vahi he zuen din menge anak wey menge apù, ipenurù nu kandan ke hengkey is ed-ul-ulahan dan wey zan metahud is ginikanan dan wey zan meverasi. Iyan heini egkesuatan te Megbevayà.

Hibriyuhanen 12:28

Umba, kinahanglan he zekelà is kebpeselemati tew kandin su iyan kiw menge sakup te g̵inhedian din he kenà egkehanew te wazè din pidtemanan. Kinahanglan he ed-azap kiw kandin te paag̵i he iyan egkesuatan din. Ne edtehuzan tew sikandin duma is kegkehandek;

1 Pedro 2:20

Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.

1 Pedro 2:5

Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.