Ipisu 4:25 - Manobo Western Bukidnon

²⁵ Umba, menge suled, engkezi niw is kedtarùtarù. Kinahanglan he tutuu is egkeg̵iyen niw ziyà te menge zuma niw. Su nesevaha kiw he pudu parti te lawa ni Kristu.

Ipisu 4:25 Кръстосани препратки

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

Ruma 12:5

Ne iring din ded daan, sikitew is menge tumutuu ki Kristu, ne nehimu kiw he iring te lawa zin, ne iyan kiw menge parti zutun. Neubpu is kada sevaha he parti te menge zuma zin he parti.

1 Kurintu 10:17

Ne g̵eina te sevaha zà is supas he iyan si Kristu, minsan pa ke mezakel kiw, nesevaha kiw g̵ihapun su pudu kiw ebpekekaan dutun te sevaha he supas.

2 Kurintu 7:14

Indantal ku sikiyu ziyà te ki Tito ne wazà mebperis is kedentala ku keniyu. Layun tutuu is egkeg̵iyen dey keniyu ne iring din ded daan, benar is migkag̵i ku ziyà te ki Tito mehitenged keniyu.

Ipisu 4:15

Ne sikitew mulà, kinahanglan he tutuu is ibpesavut tew ziyà te menge zuma tew tenged te mahal sikandan dini te g̵ehinawa tew. Ne pinaag̵i kayi ebpekeiseg is kebpekeiring tew te minsan hengkey he ulaula ni Kristu.

Ipisu 4:22

Tenged kayi engkezi niw is menge isip te zaan he kegkeetew niw su nesakup heini te zaan he menge mezaat he ulaula niw. Ebpekezezaat keniyu heini pinaag̵i te ebpemekelimbung he kebayè din.

Ipisu 4:31

Engkezi niw is kebpekunkuntedehè niw. Kenè kew meepes wey mepauk te zuma niw. Kenè kew pekid-eg̵et; kenè kew ituk; kenè niw itug̵ut he ibmezaat te g̵ehinawa niw is minsan hengkey he ulaula te zuma niw,

Ipisu 5:30

Ne iyan kiw is menge tumutuu, lawa ni Kristu.

Kulusas 3:8

Ne g̵untaan, kinahanglan he ed-iniyug̵an ta is minsan hengkey he mezaat he ulaula iring te kegkepauk wey kebpekigkuntada te zuma he etew, is kebpesipala, is ked-ituk wey is meremerik he kegkag̵i.

Kulusas 3:9

Kenè ki edtarùtarù su nelibri ki en te zaan he kegkeetew ta wey te menge mezaat he vaal he mid-ulaula ta zengan te kedtumana ta te menge zaan he suat ta.

1 Timoteo 1:10

menge egkevut te kenè dan esawa, menge maama he egkeerig̵an te iring dan he maama, menge menggeg̵ebpà, menge teruen, menge ebpen-ulug te kewsa wey is minsan hentei he ebpekesupak is ulaula zin te hustu he tuluuwen.

1 Timoteo 4:2

pinaag̵i te menge tarù te menge uvag kun tumutuu he kenè en ibmezaat te g̵ehinawa zan is menge mezaat he ulaula zan.

Tito 1:12

Duen nevantug he menenagnà he zuma zan he tigKrita he migkag̵i te, “Teruen wey utew lalung is menge etew zini te Krita. Utew zan egkeepesi is kedterebahu, iyan, utew zan egkesuati is kegkaan.”

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

Santiago 1:21

Engkezi niw en is minsan hengkey he meremerik he ulaula wey is kelelalung. Pesakup kew te Megbevayà; hemeni niw is lalag din he impesavut en keniyu su iyan ebpekelibri keniyu te silut.

1 Pedro 2:1

Ne g̵eina te veg̵u ki en he etew, ed-iniyug̵an te en is minsan hengkey he kebpesipala wey is kedtarùtarù. Kinahanglan he kenà tarù is kedsundan ta te Megbevayà; kenè ki egkesina ne kenè ki ebpemenulà.

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.

Impezayag 22:15

Iyan, diyè dà te meziyù is mekeeled-eled is baal zin, wey is menge keteuwan, is memeremerik is ulaula, is menge memumunù, is ebpemenimba te menge ledawan wey is langun he menge etew he ebpenurù te tarù wey is etew he limbung is ulaula zin.