Ipisu 4:23 - Manobo Western Bukidnon

²³ Kinahanglan he egkepurung egkeveg̵u is isip niw wey g̵ehinawa niw.

Ipisu 4:23 Кръстосани препратки

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ruma 6:4

Su pinaag̵i te kebewtismuwi kenita tenged te elili ta si Jesus, nehimu he iring te iyan ki minatey wey inleveng duma kandin. Ne nehimu heini su wey meveg̵ayi ki te veg̵u he untung iring te mibanhew si Kristu pinaag̵i te g̵ehem te Amey tew he Megbevayà.

Ruma 8:6

Ne emun iyan ebayàbayà te isip te etew is menge mezaat he suat te lawa zin, edsilutan sikandin te kemetayen he wazè din pidtemanan. Iyan, emun iyan mulà ebayàbayà te isip din is Wag̵as he Mulin-ulin, wazà pidtemanan te untung din, ne melinew en is kedepitè dan te Megbevayà.

Ipisu 2:10

Su is kedlimbag̵a kenita he veg̵u, ne iyan baal te Megbevayà. Pinaag̵i te kebpekidsevaha ta ki Jesus midlimbag ki zin su wey ta meulaula is meupiya he midteg̵ana zin en he zaan wey ta meveeli.

Kulusas 3:10

Ne g̵untaan midhimu ki en te Megbevayà he veg̵u en he etew he edhimuwen din he iring te kandin. Umba midhimu ki zin he veg̵u su wey ta mepurung mesavut ke hentei sikandin.

Tito 3:5

midlibri ki zin te silut. Iyan ingkelibriya zin kenita is: kenà tenged te menge metazeng he ulaula he nehimu ta, kekenà, tenged dà te hizu zin kenita. Midlibri ki zin pinaag̵i te kedlumpiyuwi kenita he iyan is kebpeuman ta kebpaanak pinaag̵i te g̵ehem te Wag̵as he Mulin-ulin he nekeveg̵ey kenita te veg̵u he untung.

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.