Ipisu 4:22 - Manobo Western Bukidnon

²² Tenged kayi engkezi niw is menge isip te zaan he kegkeetew niw su nesakup heini te zaan he menge mezaat he ulaula niw. Ebpekezezaat keniyu heini pinaag̵i te ebpemekelimbung he kebayè din.

Ipisu 4:22 Кръстосани препратки

Ruma 6:6

Su netuenan tew he is daan he mesinupaken he kegkeetew tew, ne iring te inransang duma ki Kristu ziyà te krus su wey mebpatey. Ne tenged kayi, egkeawà is layun tew kebpekesalà ne human dutun kenè kiw en egkeuripen te ked-ulaula te mezaat.

Ruma 7:11

Henduen be te mid-ekalan a te mezaat he ulaula su pinaag̵i te mezaat he ulaula ku he supak te kesug̵uan, human ku mesavut he nehukuman ed bes te kemetayen he wazè din pidtemanan.

2 Kurintu 11:3

Egkeipeng a keniyu su kela ke meengkezi niw is kebpurungi niw kedtumana te menge sug̵ù ni Kristu su kela ke mesahug is kedtuu niw te selakew he edtuuwen. Kela ke meiringi niw si Ibà dengan su mid-akalan sikandin te teruen he uled he iyan si Setanas.

Gelasya 1:13

Nezineg niw is daan he menge ulaula ku zengan te kemulu ku pa kebenteyani te tuluuwen te menge zuma ku he Hudiyu. Is langun he menge tumutuu ki Jesus, mibpesipelahan ku su ebpeg̵esen ku pezem sikandan he meengkezi zan is kedtuu zan.

Ipisu 2:3

Ne sikitew zaan, elin kiw zengan ebpen-ulaula te mezaat sumalà is mezaat he kebayà te lawa tew, wey is mezaat he isip tew. Ne tenged kayi neragkes kiw pa zutun te silut iring te zuma he menusiyà he kenà sakup te Megbevayà.

Ipisu 4:17

Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.

Ipisu 4:25

Umba, menge suled, engkezi niw is kedtarùtarù. Kinahanglan he tutuu is egkeg̵iyen niw ziyà te menge zuma niw. Su nesevaha kiw he pudu parti te lawa ni Kristu.

Ipisu 4:31

Engkezi niw is kebpekunkuntedehè niw. Kenè kew meepes wey mepauk te zuma niw. Kenè kew pekid-eg̵et; kenè kew ituk; kenè niw itug̵ut he ibmezaat te g̵ehinawa niw is minsan hengkey he ulaula te zuma niw,

Kulusas 2:11

Ne tenged kayi, minsan kenè kew menge Hudiyu, is midhimu keniyu te Megbevayà, ne iring duen te kedsirkunsidara zengan te menge Hudiyu su nehimu kew en he menge g̵aked te Megbevayà pinaag̵i te kebpekidsevaha niw ki Kristu. Iyan, selakew heini, su kenà pinaag̵i te kebpelii te lawa zà duen, kekenà, in-awà ni Kristu is gehem te mezaat he kebayà te lawa niw.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

Hibriyuhanen 3:13

Ne g̵untaan te kemulu pa egkehimu he egkekuwa is keluwasan he imbeg̵ey kenitew te Megbevayà, kinahanglan he ebpesemsembag̵è kiw su wey kiw kenà melimbungi pinaag̵i te salà he iyan is kenà kedtuu ne wey kenà mebmezesen is gehinawa tew.

Santiago 1:21

Engkezi niw en is minsan hengkey he meremerik he ulaula wey is kelelalung. Pesakup kew te Megbevayà; hemeni niw is lalag din he impesavut en keniyu su iyan ebpekelibri keniyu te silut.

Santiago 1:26

Emun iyan isip te etew is hustu is ked-ezapa zin te Megbevayà, iyan, kenè din edtengkaan is kegkag̵ikag̵i zin, wazà pulus te ked-azap din su neterteruan din dà is gehinawa zin.

1 Pedro 1:18

Netuenan ta he utew mahal is imbelukas din kenita. Su nengeuripen ki zengan te menge ulaula he wazà pulus he imbilinbilin kenita te menge kepuun ta. Sikan is imbelukas din kenita, ne kenà iring te selapì wey vulawan he egkeawà is bali zin.

1 Pedro 4:3

Su kinahanglan he kenè niw en maan ul-ulaha sikan is mezaat he ed-ul-ulahan he egkesuatan te menge etew he wazà medtuu te Megbevayà. Su zengan meremerik is ulaula niw; mezaat is egkesuatan te lawa niw; lelenguten kew ne mezaat is kelenganan he ibpelepew niw ziyà te menge keemuran he zutun kew ebpenginum. Utew kew egkeepesi te Megbevayà su kenà tutuu he megbevayà is ed-ezapen niw.

2 Pedro 2:13

Utew merasey is silut he egkeantus dan keuzemà iring te merasey zaan is ibpeantus dan te menge etew. Iyan kelenganan he egkesuatan dan is kedtumana zan te minsan maandew pa te minsan hengkey he meremerik he kebayà te lawa zan. Igkeeled niw wey igkesudii sikandan keniyu su minsan ke ebpekidtug̵en dan keniyu ziyà te menge keemuran niw utew zan egkesuati is kedtarùtarù keniyu.