Ipisu 4:12 - Manobo Western Bukidnon

¹² Umba imbeg̵ey zin heini is menge ketau su wey kiw mehimani ne wey tew meulaula is ebpeveelan kenitew te Megbevayà ne wey melig-eni is kedtuu tew te menge tumutuu he iyan lawa ni Kristu.

Ipisu 4:12 Кръстосани препратки

Lucas 22:32

Iyan, in-ampù ku sikew, Simon, diyà te Megbevayà he kenà maawà is kedtuu nu kediey. Ne emun melig-en en is kedtuu nu kediey ne himuwa nu he mebmelig-en daan is kedtuu te menge zuma nu.”

Nengeulaula 1:17

Si Hudas, duma tew he epustul, su insarig daan diyà te kandin is ebpeveelan kenitew te Nengazen,” ke si Pedro.

Nengeulaula 1:25

he mehimu he epustul he id-ilis ki Hudas. Su si Hudas, mid-engkezan din kes mibpeveelan kandin ne midhendiyè en te hustu he ed-ulian din.”

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

Nengeulaula 9:31

Ne zutun mibmelinew is kebpekesavuk te langun he menge tumutuu ki Jesus diyà te prubinsya he Hudiya, wey Semarya wey Geliliya. Neheg̵et is kedtuu zan ne tenged te layun dan ibpehuna is kedtahud dan te Nengazen wey tenged te kedtavang kandan te Wag̵as he Mulin-ulin mid-iseg dan mebmezakel.

Ruma 12:5

Ne iring din ded daan, sikitew is menge tumutuu ki Kristu, ne nehimu kiw he iring te lawa zin, ne iyan kiw menge parti zutun. Neubpu is kada sevaha he parti te menge zuma zin he parti.

Ruma 12:7

Ne emun iyan imbeg̵ey kenita is ketau te kedtavang te menge zuma ta, kinahanglan he ebpeniguduwan ta is kedtavang. Ne emun duen ketau ta te kebpenurù te Lalag te Megbevayà, ne ebpurungan ta is kebpenurù ta.

Ruma 14:19

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

Ruma 15:14

Menge suled, netuenan ku en he layun meupiya is menge ulaula niw, ne netuenan ku zaan he nepurung niw en mesavut is Lalag te Megbevayà, ne egkehimu en he ebpekepenurù kew te zuma.

Ruma 15:2

kekenà, iyan ta ebpen-ahaan is igkesuat te zuma ta su wey meheg̵et is kedtuu zin.

Ruma 15:29

Ne netuenan ku he ke ebpekeuma a ziyan, utew zekelà is kedtuvazi kenitew ni Kristu pinaag̵i kayi te kebpehendiyan ku.

1 Kurintu 12:27

Iyan kehulug̵an kayi te langun is: sikitew is menge tumutuu, ne menge parti kiw te lawa ni Kristu.

1 Kurintu 12:7

Ne kada sevaha kenitew te menge tumutuu, ne zuen imbeg̵ey kandin he ketau he iyan tuus he mid-ulinan sikandin te Wag̵as he Mulin-ulin. Umba imbeg̵ey haazà diyà te kandin su wey zin metevangi is menge zuma zin he tumutuu.

1 Kurintu 14:12

Ne sikiyu, menge suled, geina te egkesuatan niw he meveg̵ayi kew te menge ketau he ibeg̵ey te Wag̵as he Mulin-ulin, kinahanglan he iyan niw vuyua is menge ketau he ebpekeheg̵et te kedtuu te langun niw te menge tumutuu.

1 Kurintu 14:14

Su emun edlelag̵an ku is Megbevayà te kineg̵iyan he kenè ku egketuenan, ne egkehimu he ed-ampù a pinaag̵i te Wag̵as he Mulin-ulin, iyan, wazà mekeseled diyà te isip ku haazà is egkeg̵iyen te vèbè ku.

1 Kurintu 14:26

Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.

2 Kurintu 12:19

Kunaan niw vuwa ke pinaag̵i kayi te egkeg̵iyen ku ibpesavut ku keniyu he wazè dey menge sayep, iyan, kenà iyan heeyan tuyù ku. Su ebpeketistig̵us is Megbevayà he heini is migkag̵i ku keniyu, ne iyan hustu he egkeg̵iyen tenged te kebpekidsevaha ku ki Kristu. Ne, minahal ku he menge suled, insurat ku heini is langun, su wey meheg̵et is kedtuu niw.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

2 Kurintu 13:9

Egkelipey ad emun wazè niw supak, minsan ke henduen te wazè dey keg̵ehem. Ne kenà duen dà taman su id-ampù dey he mepurung meheg̵et is ked-ul-ulaha niw te hustu.

2 Kurintu 3:8

Emun dekelà is gehem he impaahà dutun te kebeg̵aya zin te kesug̵uan, iyan pe be kenà tuwas pa he mekeg̵eg̵ehem is kebeg̵aya zin te Wag̵as he Mulin-ulin.

2 Kurintu 4:1

Nehizuwan key te Megbevayà ne midtezù key zin wey zey metuman is ebpeveelan din kenami mehitenged te kedsengyawa te veg̵u he paag̵i ne tenged dutun kenà egkeawà is gustu zey te kedtumana kayi.

2 Kurintu 5:18

Iyan midhimu kayi is Megbevayà su pinaag̵i ki Kristu midhimu kiw zin he menge emig̵u zin. Ne mibpeveelan din daan kenami is kedhimuwa te zuma he etew he meemig̵u zin.

2 Kurintu 6:3

Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.

2 Kurintu 7:1

Ne g̵eina te iyan heini impenaad kenita te Megbevayà, ne edlumpiyuwen ta is menge ulaula ta su wey wazà minsan hengkey he meremerik he ulaula te lawa ta wey meremerik he isip ta. Ne ebpurungan ta is ulaula ta su wey meheg̵eti is kebmetazeng ta pinaag̵i te layun ta kedtehuza kandin.

Ipisu 1:23

Sikitew is edsarig ki Kristu, ne iring kiw te lawa zin ne iyan sikandin ulu tew. Ne sikitew is lawa zin, ne wazà kurang te ked-ulini zin kenitew su ziyà sikandin te minsan hendei te tivuuk he kelimbag̵an.

Ipisu 4:16

Su iring kiw te lawa, ne sikandin iyan ulu. Ne sikitew is lawa, ne ebpekesarig kiw kandin te ulu. Ne is minsan hengkey he parti kayi te lawa, ne ebpekesarig daan te menge zuma zin he parti. Ne emun hustu is baal zutun te kada sevaha he parti, edtulin haazà is tivuuk he lawa pinaag̵i te kebpekedtetevangà te minsan hendei he parti zin. Ne sikitew zaan, ebpekeiseg is kebpekeiring tew te ulaula ni Kristu pinaag̵i te kebpurungi te kada sevaha te zuma zin.

Ipisu 4:29

Kinahanglan he kenà ebpekezezaat is kebpemèbè niw, kekenà, iyan keg̵iya niw is menge lalag he ebpekeveg̵ey he tavang te kedtuu te menge zuma niw su wey zekelà is pulus diyà te ebpemineg sumalà is egkinehenglanen dan.

Ipisu 4:4

Su sikitew is langun he menge tumutuu, sevaha kiw zà he lawa, ne sevaha zà is Wag̵as he Mulin-ulin he ed-ulin kenitew, ne sevaha zà daan is ebperetengen tew he ketulusan tenged te midhimu kiw he menge tumutuu.

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

Kulusas 1:28

Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

Kulusas 4:17

Keg̵iya niw ki Erkipu he purungi zin beeli is ebpeveelan kandin te Nengazen su sulug̵uen sikandin te Megbevayà.

1 Timoteo 1:12

Ebpeselematan ku is Nengazen tew he si Jesu Kristu su mibeg̵ayan e zin te zesen wey ku metuman heini is ebpeveelan din kedì. Mid-isip e zin he metinumanen ne tenged kayi intezù e zin he sulug̵uen din.

2 Timoteo 4:11

Iyan dà duma ku kayi, si Lucas. Tuluya nu si Marcos ne zumaha nu zini su zekelà is tavang din kedì te langun he ed-ul-ulahan ku kayi.

2 Timoteo 4:5

Iyan, sikew mulà, tengkai nu is ed-ul-ulahan nu te minsan keenu he timpu. Entusa nu is kemereg̵enan. Peniguduwi nu te edsangyew is Meupiya he Tudtulanen. Purungi nu tumana is langun he ebpeveelan kenikew te Megbevayà.

Hibriyuhanen 13:17

Tumana niw is sug̵ù te menge egalen niw te menge tumutuu ne ipeehè niw is kedtehuza niw kandan su iyan sikandan ed-elima keniyu te edtuu, ne zuen timpu keuzemà he edsusiyen te Megbevayà ke metinumanen dan be is ed-elima keniyu. Emun ebpemineg̵en niw is sug̵ù dan, utew ibmeupiya te g̵ehinawa zan is baal zan. Ne emun kenè kew ebpemineg, utew mereg̵en is baal zan ne egkehimu zaan heini he idlised niw.

Hibriyuhanen 6:1

Ne tenged dutun, menge suled, netengkaan en is ked-istudyuwi tew zuen te menge nehuna he melemu he tuluuwen he impenurù kenitew mehitenged ki Kristu. Kinahanglan he edlaus kiw en dutun te ked-istudyu te menge penurù he zait te menge etew he mezesen en is kedtuu zan. Kenè tew ed-ul-ulitan te ed-istudyu is menge nehuna he impenurù kenitew iring te ked-engkezi te kedsarig te menge ulaula he wazà pulus, wey is kedtuu te Megbevayà.