Ipisu 1:4 - Manobo Western Bukidnon

⁴ Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Ipisu 1:4 Кръстосани препратки

Mateo 24:22

Iyan, midterinan en te Megbevayà is timpu zutun te kemeresayan su emun wazà, egkelimas dutun is tivuuk he menusiyà. Iyan, tenged te egkehizuwan din is menge pinilì din he etew, midterinan din is timpu zutun te kemeresayan.

Mateo 24:24

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 17:24

Amà, is menge etew he imbeg̵ey nu kediey, egkesuatan ku he ziyè dan mekeamur te kediey diyà te ed-ubpaan ku keuzemà wey zan maahà is mekeg̵eg̵ehem he anlag ku he imbeg̵ey nu kediey zengan te wazè pa tukuza heini is kelibutan. Umba mibeg̵ayan a kenikew te anlag su mahal a ziyan te g̵ehinawa nu.

Nengeulaula 13:48

Ne hein nezineg haazà te menge etew zutun he kenà menge Hudiyu, nengelipey zan utew ne mibpeselematan dan is impesavut kandan te Nengazen. Ne is langun he menge etew he imbanglis kandan te Megbevayà is untung he wazà pidtemanan, nemeketuu.

Nengeulaula 15:18

Lalag heini te Nengazen; impesavut din en heini zengan.

Nengeulaula 18:10

su zuma a kenikew. Wazà minsan hentei he ebpekekaid kenikew. Mezakel pa is ebpeketuu kediey kayi he inged.”

Ruma 8:33

Ne wazà ebpekesumbung kenita te mibpilì te Megbevayà su is Megbevayà, mid-isip ki zin en he metazeng.

1 Kurintu 1:8

Iyan sikandin edlig-en keniyu taman te ketepusan he timpu su wey wazà igkesewayi keniyu zutun te andew keuzemà te kedlikù din.

Gelasya 5:13

Na, menge suled, tutuu iyan he impetuu ki te Megbevayà wey ki zin melibri ne wazè en kinahanglan he ebpeuripen ki te kesug̵uan. Ne minsan pa zutun wazè ki melibri su wey iyan mebayàbayà kenita is mezaat he kebayà te lawa ta. Kinahanglan he tenged te zekelà is gag̵ew tew te menge zuma tew ne medtitinevangà is kada sevaha kenitew te menge tumutuu.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Ipisu 2:10

Su is kedlimbag̵a kenita he veg̵u, ne iyan baal te Megbevayà. Pinaag̵i te kebpekidsevaha ta ki Jesus midlimbag ki zin su wey ta meulaula is meupiya he midteg̵ana zin en he zaan wey ta meveeli.

Ipisu 3:17

su wey, pinaag̵i te kedtuu niw, melumuni is gehinawa niw ni Jesu Kristu. Ne idhangyù ku zaan he heg̵eti zin wey lig-eni zin is kebmahala niw te minsan hentei. Umba idhangyù ku heini su wey sikiyu,

Ipisu 4:2

Kinahanglan he kenè kew pegalbu, kekenà, peketulanged kew wey mebmeinentusen kew. Ipeehè niw is gag̵ew niw ziyà te kada sevaha keniyu pinaag̵i te kebmepelevayen niw.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Ipisu 5:27

Elin daan idhimuwa zin kayi su wey kiw zin mezawat he esawa zin. Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

Kulusas 1:22

Ne minsan pa te iyan haazà, midhimu kew g̵untaan te Megbevayà he menge emig̵u zin pinaag̵i te kebpatey ni Kristu. Umba mibpehimatey si Kristu su wey kew mehimu he menge etew he wazà mezaat he ulaula ne wazà igkesumbunga keniyu keuzemà emun ibpeetuvang kew zin diyà te Amey zin he Megbevayà.

Kulusas 2:2

Iyan idhag̵ù ku su wey melig-eni is kedtuu niw te Megbevayà pinaag̵i te kegkeupakat niw wey pinaag̵i te kebmahala niw te uman sevaha keniyu. Egkesuatan ku he meheg̵et is kegkesavut niw te impenurù keniyu he iyan kes impezayag te Megbevayà keniyu mehitenged ki Kristu.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

1 Tiselunika 3:12

Berekati te Nengazen he med-iseg is kebmahala niw ziyà te g̵ehinawa niw te uman sevaha keniyu wey is langun he etew, iring te utew mezesen is kebmahala zey keniyu.

1 Tiselunika 4:7

Su nehimu kiw te Megbevayà he menge tumutuu kandin su wey mehimu is menge ulaula tew he zait te etew he g̵aked din. Kenà iyan din egkesuatan he meremerik is menge ulaula tew.

2 Timoteo 1:9

Is Megbevayà, ne iyan midlibri kenita te silut ne midhimu ki zin he g̵aked din. Umba mid-ulaula zin heini, kenà tenged te meupiya is menge ulaula ta, kekenà, tenged dà te iyan tuyù din wey tenged te utew zekelà is gag̵ew zin kenita. Dengan te wazè pa limbag̵a is minsan hengkey mid-isip din he ibpeehè din is gag̵ew zin kenita pinaag̵i te kebeg̵aya zin kenita ki Jesu Kristu.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

1 Pedro 1:20

Te wazè pa limbag̵a is kelibutan, daan en si Kristu he intezù te Megbevayà wey mehimu he Menluluwas tew. Ne kayi te timpu g̵untaan, impezayag sikandin wey kiw mevelukasi.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

1 Juan 4:16

Ne tenged dutun nesavut tew en he utew zekelà is gagew kenitew te Megbevayà ne umba ebpekesarig kiw. Is minsan hengkey he ed-ul-ulahan te Megbevayà, ne iyan kebpaahaa zin te g̵agew zin. Is minsan hentei he layun dekelà is gagew zin te menge zuma zin, meheg̵et is kebpekidsevaha zin te Megbevayà, ne ziyà te kandin ed-ubpà is Megbevayà.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

Impezayag 17:8

Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.