Ipisu 1:16 - Manobo Western Bukidnon

¹⁶ kenà egkeamin is kebpeselemati ku te Megbevayà tenged keniyu. Layun ku sikiyu id-ampù.

Ipisu 1:16 Кръстосани препратки

Kulusas 1:3

Sikami, emun id-ampù dey sikiyu, layun key ebpeselemat diyà te Megbevayà he Amey te Nengazen tew he si Jesus tenged keniyu,

Kulusas 1:9

Ne tenged kayi ibpenigudu zey sikiyu id-ampù puun pa zutun te andew zengan he nezineg dey is tudtul mehitenged te kedtuu niw. Layun dey id-ampù diyà te Megbevayà he veg̵ayi kew zin te kegkesayud te langun he ulaula he ebpeveelan din keniyu, he ke và dà egkeg̵iya, mehimu kew zin he mebmetau ne pinaag̵i te Wag̵as he Mulin-ulin, iveg̵ey zin keniyu is kegketuusi te meupiya wey mezaat.

1 Tiselunika 1:2

Dekelà layun is kebpeselemati zey te Megbevayà tenged keniyu ne layun dey sikiyu id-ampù.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.