Impezayag 9:20 - Manobo Western Bukidnon

²⁰ Ne is nesamà dutun te menge etew, langun te sikandan he wazà mepatey zutun te ebpemekekaid he menge kudà, wazè dan engkezi is ked-ezapa zan te mibeelan dan he menge ledawan he vulawan, wey selapì wey g̵alang wey vatu wey kayu. Heini is menge ledawan, ne kenà ebpekeahà, kenà ebpekezineg ne kenà daan ebpekehipanew. Wazà daan engkezi zutun te menge etew is ked-ezapa zan te menge mezaat he mulin-ulin.

Impezayag 9:20 Кръстосани препратки

Mateo 21:32

Su nekeuma si Juan, ne impeehè din keniyu is paag̵i wey kew mebmetazeng ne wazè niw sikandin tuuwi, iyan, midtuuwan mulà sikandin te menge limbungan he menunukut wey menge vahi he ebpemenapì te zengeg dan. Ne minsan te netuenan niw heini, wazè niw iniyug̵i is memezaat he ulaula ne wazè kew zaan medtuu kandin.”

Nengeulaula 17:29

Ne g̵eina te menge anak kiw zin, iring kiw kandin. Ne tenged dutun kenè tew ed-isipen he is Megbevayà, sevaha he ledawan he vulawan wey selapì wey vatu he mideyzeyanan te etew he metau.

Nengeulaula 19:26

Siguradu neehè niw wey nezineg niw en is ebeelan kayi te etew he egngezanan ki Pablo. Egkeg̵iyen din he is menge ziwata he ebeelan te etew, kenà hustu he ed-ezapen. Mezakel is menge etew he nemeketuu te egkeg̵iyen din ne kenà dini zà te inged tew he Ipisu, kekenà, te tivuuk he prubinsya tew he Asya.

Nengeulaula 7:41

Ne zutun,” ke si Esteban, “mibeelan dan is ledawan he nati te vaka ne mibpelengesahan dan ne midlipey zan su nesuatan dan haazà is mibeelan dan.

2 Kurintu 12:21

Egkesemukan a su kela ke zutun te kebpekeuma ku ziyan ne igkeeled ku sikiyu ziyà te Megbevayà ne kela ke utew a egkeseeng tenged te mezakel he netuenan ku zengan he nekevaal te mezaat ne wazè dan pa engkezi is menge mahawag he ulaula zan iring te kedhilavet te kenè dan esawa wey is kedtumana zan te mezaat he kebayè dan.

1 Timoteo 4:1

Utew keladu is impesavut te Wag̵as he Mulin-ulin he keuzemà te ketepusan he timpu zuen menge etew he kenè en edtuu te tutuu he tuluuwen, kekenà, iyan ebpemineg̵en dan is impinted te menge teruen he menge mulin-ulin. Ebpemineg̵en dan is impenurù kandan te menge mezaat he mulin-ulin

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 16:8

Ne zutun haazà is ikeepat he velinsug̵uen, mid-ulaan din diyà te andew is lediyà he ziyà te kandin. Ne haazà, nehimu is andew he ebpeketutung te menusiyà.

Impezayag 9:19

Su zutun te vèbè te menge kudà is gehem dan te kedhimatey wey ziyà daan te menge ikug dan su is menge ikug dan, ne iring te menge uled su zuen ulu zutun, ne ebpekekaid te menge etew haazà is ikug.

Impezayag 9:21

Ne wazè dan daan iniyug̵i is kebpemumunù, kinaagman, meremerik he ulaula, wey is kebpenakew zan.