Impezayag 9:19 - Manobo Western Bukidnon

¹⁹ Su zutun te vèbè te menge kudà is gehem dan te kedhimatey wey ziyà daan te menge ikug dan su is menge ikug dan, ne iring te menge uled su zuen ulu zutun, ne ebpekekaid te menge etew haazà is ikug.

Impezayag 9:19 Кръстосани препратки

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Impezayag 9:10

Is ikug dan, ne iring te ikug te venayew su edhereg ne pinaag̵i te ikug dan egkerasey zan is menge etew te seled te lelima he vulan.

Impezayag 9:18

Ne pinaag̵i zutun te hapuy, wey evel, wey esupri he edlepew zutun te vèbè te menge kudà, migerè dan is iketelu he vahin te tivuuk he menusiyà.

Impezayag 9:20

Ne is nesamà dutun te menge etew, langun te sikandan he wazà mepatey zutun te ebpemekekaid he menge kudà, wazè dan engkezi is ked-ezapa zan te mibeelan dan he menge ledawan he vulawan, wey selapì wey g̵alang wey vatu wey kayu. Heini is menge ledawan, ne kenà ebpekeahà, kenà ebpekezineg ne kenà daan ebpekehipanew. Wazà daan engkezi zutun te menge etew is ked-ezapa zan te menge mezaat he mulin-ulin.