Impezayag 9:14 - Manobo Western Bukidnon

¹⁴ Ke sikandin diyà te ikeenem he velinsug̵uen te, “Ipaawè en is heepat he velinsug̵uen he mibpusasan diyà te zekelà he Wahig he Yupratis!”

Impezayag 9:14 Кръстосани препратки

Impezayag 16:12

Ne haazà is ikeenem he velinsug̵uen, mid-ulaan din is lediyà he ziyà te kandin diyà te zekelà he wahig he egngezanan te Yupratis ne nemezahan dutun haazà is wahig su wey maandam is ibayà te menge hadì he ziyà ebpuun te zapit te edsilaan.

Impezayag 7:1

Neipus haazà neehè ku is heepat he velinsug̵uen te Megbevayà. Ebpemenhitindeg is kada sevaha kandan diyà te heepat he pesag̵ì te kelibutan ne ed-elangan dan is heepat he keramag diyà te kelibutan su wey kenà mekeremag̵i is tanà wey is dag̵at wey is menge kayu.

Impezayag 7:2

Ne zutun neehè ku zaan is sevaha pa he velinsug̵uen he ziyà ebpuun te zapit te edsilaan ne igkulang din is tiyap te wazè din kemetayen he Megbevayà. Ne haazà is heepat he velinsug̵uen he insarig kandan is kedèdeeti te tanà wey zag̵at, migkeg̵iyan din sikandan.

Impezayag 8:2

Ne zutun neehè ku sikan is pitu he menge velinsug̵uen te Megbevayà he ebpemenhitindeg diyà te etuvangan te Megbevayà, ne mibeg̵ayan is kada sevaha kandan te vudyung.

Impezayag 8:6

Ne zutun mid-andam haazà is pitu he menge velinsug̵uen su edhiyupen dan en is menge vudyung dan.

Impezayag 9:15

Ne zutun impaawè en haazà is heepat he velinsug̵uen. In-andam sikandan he zaan ne impetag̵ad sikandan taman kayi he uras, wey andew, wey vulan, wey tuig. Umba in-andam sikandan su wey zan mehimetayi is iketelu he vahin te tivuuk he menusiyà.