Impezayag 8:7 - Manobo Western Bukidnon

⁷ Ne is egkehuna zutun te menge velinsug̵uen, midhiyup din is budyung din. Ne zutun, giyew wey hapuy he nesahug te lengesa is nengeulug diyà te tanà. Ne netutung dutun is iketelu he vahin te kelibutan. Netutung is iketelu he vahin te menge kayu wey naamin metutung is menge sagbet.

Impezayag 8:7 Кръстосани препратки

Santiago 1:11

Edsilaan is sagbet te andew he utew meinit, ne egkelay-ub, ne egkeg̵angu is kevukad din, ne kenè en maan dutun meupiya he ed-ahaan. Ne iring din ded daan is sepian he etew su egketik-ew sikandin ebpatey ne egkeengkezan din is kebpen-ehè din te ketig̵eyunan.

1 Pedro 1:24

Su zuen insurat he Lalag te Megbevayà he edhenduen te, “Is menusiyà, geina te mevavè dà utew is untung din, iring sikandin te sagbet. Su is kempet din, ne iring te kevukad te sagbet. Meg̵aan egkeg̵angu is sagbet, ne egkengeulug is kevukazan din.

Impezayag 12:4

Ne pinaag̵i te ikug din neg̵uyud din is iketelu he vahin te menge vituen diyà te langit ne nemeketimbag haazà diyà te tanà. Ne zutun edhithitindeg haazà is uled te etuvangan dutun te vahi he ed-anak su emun idlusad en haazà is id-anak din, ne egkeenen dutun te uled.

Impezayag 16:2

Ne haazà is egkehuna he velinsug̵uen, mid-ulaan din dini te kelibutan is lediyà he ziyà te kandin. Ne zutun, is menge etew he mibpemarka te tuus duen te langgam wey mid-azap dan haazà is ledawan dutun te langgam, midtuvuan sikandan te menge memahù wey utew memesakit he menge vekukang.

Impezayag 16:21

Ne mid-uzanan te utew zekelà he g̵iyew is menge etew. Is keveg̵at te kada sevaha zutun te g̵iyew, ne menge kelimahan he kilu. Ne is menge etew, midsumpalit dan is Megbevayà tenged dutun te g̵iyew he insilut din kandan su utew nerasey sikandan dutun.

Impezayag 6:8

Ne mid-ehè ku ne midlepew zutun is kudà he meputìputì is kekelawag din. Si Kemetayen is ngazan te ed-untud dutun ne si Impirnu is ngazan dutun te edtinundug kandin. Ne imbeg̵ey kandan te zezuwa is kebayàbayà dutun te ikeepat he vahin te tivuuk he menusiyà wey zan mehimetayi pinaag̵i te gira wey vitil wey ebpenhalin he zaru wey ebpemekekaid he menge langgam.

Impezayag 7:1

Neipus haazà neehè ku is heepat he velinsug̵uen te Megbevayà. Ebpemenhitindeg is kada sevaha kandan diyà te heepat he pesag̵ì te kelibutan ne ed-elangan dan is heepat he keramag diyà te kelibutan su wey kenà mekeremag̵i is tanà wey is dag̵at wey is menge kayu.

Impezayag 9:15

Ne zutun impaawè en haazà is heepat he velinsug̵uen. In-andam sikandan he zaan ne impetag̵ad sikandan taman kayi he uras, wey andew, wey vulan, wey tuig. Umba in-andam sikandan su wey zan mehimetayi is iketelu he vahin te tivuuk he menusiyà.

Impezayag 9:18

Ne pinaag̵i zutun te hapuy, wey evel, wey esupri he edlepew zutun te vèbè te menge kudà, migerè dan is iketelu he vahin te tivuuk he menusiyà.

Impezayag 9:4

Intelaan kandan he kenè dan dèdeeti is sagbet wey is minsan hengkey he edtuvù wey is menge kayu, kekenà, iyan dan dà edèdeetan is menge etew he wazà metiyapi is buked dan te tiyap te Megbevayà.