Impezayag 8:13 - Manobo Western Bukidnon

¹³ Ne zutun te kemulu ku pa kebantey nezineg ku is egkeg̵iyen te vanug he edlayang he utew mibpeketikang diyà te udtuwan. Ne ketetelu sikandin megkag̵i te mezag̵ing he lalag, ke sikandin te, “Kehizu utew te menge meg̵inged diyà te kelibutan.” Ne mid-uman sikandin megkag̵i te, “Utew mekehandekhandek is egkeulaula su meg̵aan en edhiyupa te tetelu pa he velinsug̵uen is menge vudyung dan!”

Impezayag 8:13 Кръстосани препратки

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Impezayag 11:14

Ne zutun neipus haazà is ikezuwa he mekehandekhandek he hitavù, iyan, meg̵aan ebpekesunud dutun is iketelu.

Impezayag 12:12

Sikiyu is menge meg̵inged diyà te langit, medlipey kew. Iyan, sikiyu is diyan te tanà wey ziyan te zag̵at, kehizu niw! Su kes mezaat he mulin-ulin he si Setanas, mibpenaug en diyan te keniyu. Ne utew sikandin nererengiti su netuenan din he mevavè dà utew is nesamè din he timpu te kedlalunglalung.”

Impezayag 14:3

Ne haazà is menge etew, diyè dan te etuvangan te pinuuwà te Megbevayà wey te etuvangan duen te heepat he menge linimbag he kedesenan wey te menge ebmeg̵urangen. Ne migkanta zan dutun is beg̵u he kentahan. Iyan dà netau zutun he egkanta te kentahan, haazà is nenggatus wey kepatan wey heepat he libu he etew he mibelukasan dini te lumpad te kelibutan duen te nati he kerehidu.

Impezayag 14:6

Ne zutun neehè ku en maan is selakew en maan he velinsug̵uen he edlayang he utew mibpeketikang diyà te udtuwan. Ibpesavut din dutun is Meupiya he Tudtulanen he kenà egkehanew te minsan keenu. Impesavut din haazà te tivuuk he menusiyà, diyà te menge etew te minsan hengkey he kineg̵iyan wey minsan hendei he g̵inhedian, wey tribu, wey kepuun.

Impezayag 19:17

Ne zutun neehè ku is belinsug̵uen he ziyà edhithitindeg te teliwazà te andew ne mibpekezag̵ing sikandin is ed-umew te langun he menge tagbis he ziyà edlayang te zivavew, ne ke sikandin te, “Tig̵um kew en is menge tagbis wey kew mekekaan te idlavung he ibpekaan keniyu te Megbevayà!

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.

Impezayag 8:2

Ne zutun neehè ku sikan is pitu he menge velinsug̵uen te Megbevayà he ebpemenhitindeg diyà te etuvangan te Megbevayà, ne mibeg̵ayan is kada sevaha kandan te vudyung.

Impezayag 9:1

Ne midhiyup dutun te ikelima he velinsug̵uen is budyung din ne zutun neehè ku is bituen, he ke và dà egkeg̵iya, belinsug̵uen he ziyè en te tanà su neulug he ebpuun te langit. Ne imbeg̵ey ziyà te kandin is yawi he ebpekepuwas te vitu he wazà pidtemanan is kezalem din.

Impezayag 9:12

Ne neipus haazà is nehuna he nehitavù he mekehandekhandek; dezuwa pa zutun is wazè pa mehitavù.