Impezayag 8:11 - Manobo Western Bukidnon

¹¹ Is ngazan dutun te vituen ne Mepait. Ne mibmepait is iketelu he vahin te menge wahig diyà te kelibutan. Ne mibpatey is mezakel he menge etew tenged dutun te wahig su mibmepait utew.

Impezayag 8:11 Кръстосани препратки

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

Impezayag 12:4

Ne pinaag̵i te ikug din neg̵uyud din is iketelu he vahin te menge vituen diyà te langit ne nemeketimbag haazà diyà te tanà. Ne zutun edhithitindeg haazà is uled te etuvangan dutun te vahi he ed-anak su emun idlusad en haazà is id-anak din, ne egkeenen dutun te uled.

Impezayag 8:7

Ne is egkehuna zutun te menge velinsug̵uen, midhiyup din is budyung din. Ne zutun, giyew wey hapuy he nesahug te lengesa is nengeulug diyà te tanà. Ne netutung dutun is iketelu he vahin te kelibutan. Netutung is iketelu he vahin te menge kayu wey naamin metutung is menge sagbet.

Impezayag 9:15

Ne zutun impaawè en haazà is heepat he velinsug̵uen. In-andam sikandan he zaan ne impetag̵ad sikandan taman kayi he uras, wey andew, wey vulan, wey tuig. Umba in-andam sikandan su wey zan mehimetayi is iketelu he vahin te tivuuk he menusiyà.

Impezayag 9:18

Ne pinaag̵i zutun te hapuy, wey evel, wey esupri he edlepew zutun te vèbè te menge kudà, migerè dan is iketelu he vahin te tivuuk he menusiyà.