Impezayag 7:4 - Manobo Western Bukidnon

⁴ Ne nezineg ku zutun is kezakel te menge etew he edsevukan te tiyap, ne nenggatus wey kepatan wey heepat he libu sikandan langun. Ne ebpemuun sikandan diyà te sepulù wey zezuwa he kepuun te menge kevuwazan ni Israyil.

Impezayag 7:4 Кръстосани препратки

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Lucas 14:22

Ne hein nekeulì en haazà is midsug̵ù ne migkeg̵iyan din haazà is egalen din te, ‘Nemekeume en is menge etew he impeveyaan nu, iyan, wazè pa meenget heini is baley.’

Lucas 22:30

Keuzemà ke edhadì a ne ebpinuu kew zuma kedì su ebpetugtug̵enè kiw is egkaan wey ed-inum. Ne ibpehadì ku sikiyu te menge kevuwazan duen te sepulù wey zezuwa he menge anak ni Israyil.”

Nengeulaula 26:7

Ne sikitew is tivuuk he kehudiyuwan he nevahin te sepulù wey zezuwa he tribu, edtuuwan tew he egketuman heini. Ne tenged kayi, te andew wey mezukilem ed-azap kiw te Megbevayà. Na, Mahal he Hadì, minsan te iyan heini midtuuwan ku zaan, migamit dan he insumbunga zan kedì.

Ruma 9:27

Ne zuen daan lalag ni Esaias dengan mehitenged te menge etew he kevuwazan ni Israyil, he ke sikandin te, “Utew zan mezakel, ne kenè en sikandan egkevilang su iring te menge pantad diyà te veyvey te zag̵at, ne minsan pa zutun, deisey zà kandan is egkelibri te silut te Megbevayà.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.

Impezayag 14:1

Ne zutun neehè ku is buntud he Siyun ne zutun edhithitindeg sikan is nati he kerehidu ne zuma zin daan dutun is nenggatus wey kepatan wey heepat he libu he menge etew. Ne haazà is menge etew, insurat diyà te menge vuked dan is ngazan dutun te nati wey is ngazan daan te Amey zin he Megbevayà.

Impezayag 14:3

Ne haazà is menge etew, diyè dan te etuvangan te pinuuwà te Megbevayà wey te etuvangan duen te heepat he menge linimbag he kedesenan wey te menge ebmeg̵urangen. Ne migkanta zan dutun is beg̵u he kentahan. Iyan dà netau zutun he egkanta te kentahan, haazà is nenggatus wey kepatan wey heepat he libu he etew he mibelukasan dini te lumpad te kelibutan duen te nati he kerehidu.

Impezayag 7:5

Te menge kevuwazan ni Huda, ne sepulù wey zezuwa he libu sikandan is midtiyapan. Te menge kevuwazan ni Rubin, ne sepulù wey zezuwa he libu. Te menge kevuwazan ni Gad, ne sepulù wey zezuwa zaan he libu.

Impezayag 9:16

Intazem diyà te kediey is kezakel zutun te menge sundaru zan he egkukudà. Menge zezuwa he g̵atus he libu he libu sikandan.