Impezayag 7:3 - Manobo Western Bukidnon

³ Mezag̵ing is kegkag̵i zin te, “Kenè niw pa pendèdeeti is tanà wey zag̵at wey menge kayu taman te kenè dey pa egkesevukan te tiyap is menge vuked te menge sulug̵uen te Megbevayè tew.”

Impezayag 7:3 Кръстосани препратки

Mateo 24:22

Iyan, midterinan en te Megbevayà is timpu zutun te kemeresayan su emun wazà, egkelimas dutun is tivuuk he menusiyà. Iyan, tenged te egkehizuwan din is menge pinilì din he etew, midterinan din is timpu zutun te kemeresayan.

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Juan 3:33

Iyan, is minsan hentei he edawat kayi ebpekepenistig̵us he tutuu is egkeg̵iyen te Megbevayà.

Ruma 6:22

Iyan, guntaan, nevelukasan ki en te Megbevayà, ne nelibri ki en te kebpekeulaula ta te mezaat. Ne tenged kayi menge sulug̵uen ki en te Megbevayà, ne utew zekelà is pulus kayi kenita su ebpeketuman ki en te egkesuatan din, ne iyan rimeg̵as kayi te mid-ulaula te Megbevayà is kegkeveg̵ayi kenita te untung he wazà pidtemanan.

Impezayag 13:16

Ne is langun he menge etew, lavew se kenà lavew, sepian se kenà sepian, uripen se kenà uripen, mibpeg̵es din sikandan merkahi ziyà te kewanan he velad dan ne emun kenà ne ziyà te vuked dan.

Impezayag 13:17

Ne is minsan hentei he kenà ebpemarka zutun te marka he iyan ngazan dutun te nehuna he langgam wey lumiru te ngazan din, kenè dan ebpekepemasa ne kenè dan daan ebpekepemelegyà.

Impezayag 14:1

Ne zutun neehè ku is buntud he Siyun ne zutun edhithitindeg sikan is nati he kerehidu ne zuma zin daan dutun is nenggatus wey kepatan wey heepat he libu he menge etew. Ne haazà is menge etew, insurat diyà te menge vuked dan is ngazan dutun te nati wey is ngazan daan te Amey zin he Megbevayà.

Impezayag 14:9

Ne midlepew is iketelu he velinsug̵uen he midsunud dutun te nehuna he zezuwa ne mibpekezag̵ing is egkag̵i te, “Is minsan hentei he etew he ed-ezapen din haazà is langgam wey ledawan duen te langgam, ne ebpemarka sikandin diyà te vuked din, ne emun kenà, ne ziyà te velad din,

Impezayag 19:2

Metazeng wey hustu is kukuman din su midsilutan din haazà is nevantug he ebpelelevag he vahi he pinaag̵i te meremerik he vaal zin, neeneb is tivuuk he kelibutan te ked-ezapa te menge ledawan. Midsilutan sikandin te Megbevayà su midhimetayan din is menge sulug̵uen te Megbevayà.”

Impezayag 20:4

Ne zutun neehè ku is menge pinuuwà te edhadì. Ne is ebpememinuu zutun, mibeg̵ayan sikandan te keg̵ehem te kedhukum wey kebeg̵ey te kukuman. Neehè ku zaan is menge g̵imukud te menge etew he midhimetayan tenged te insangyew zan is Lalag te Megbevayà wey is impenurù ni Jesus. Wazè dan med-azap duen te langgam wey te ledawan te langgam, ne wazè dan daan mebpetiyap te tiyap te langgam diyà te vuked dan wey ke ziyè be te velad dan. Nengevanhew sikandan ne impehadì sikandan duma ki Kristu seled te nengkelibu he tuig.

Impezayag 22:4

Egkeehè dan is paras din ne haazà is menge sulug̵uen, edsuratan is menge vuked dan te ngazan din.

Impezayag 6:6

Ne zutun henduen be te zuen migkag̵i ziyà te teliwazà duen te heepat he menge linimbag. Ke sikandin te, “Tetelu zà he salmun te veg̵as he trigu is egkepemasa te inendawen te sengeetew. Ne sengeg̵antang dà wey tetelu he salmun te veg̵as he sibada is egkepemasa te inendawen daan te sengeetew, iyan, kenè nu helina is bali te lana wey vinu.”

Impezayag 7:1

Neipus haazà neehè ku is heepat he velinsug̵uen te Megbevayà. Ebpemenhitindeg is kada sevaha kandan diyà te heepat he pesag̵ì te kelibutan ne ed-elangan dan is heepat he keramag diyà te kelibutan su wey kenà mekeremag̵i is tanà wey is dag̵at wey is menge kayu.

Impezayag 7:2

Ne zutun neehè ku zaan is sevaha pa he velinsug̵uen he ziyà ebpuun te zapit te edsilaan ne igkulang din is tiyap te wazè din kemetayen he Megbevayà. Ne haazà is heepat he velinsug̵uen he insarig kandan is kedèdeeti te tanà wey zag̵at, migkeg̵iyan din sikandan.

Impezayag 9:4

Intelaan kandan he kenè dan dèdeeti is sagbet wey is minsan hengkey he edtuvù wey is menge kayu, kekenà, iyan dan dà edèdeetan is menge etew he wazà metiyapi is buked dan te tiyap te Megbevayà.