Impezayag 6:8 - Manobo Western Bukidnon

⁸ Ne mid-ehè ku ne midlepew zutun is kudà he meputìputì is kekelawag din. Si Kemetayen is ngazan te ed-untud dutun ne si Impirnu is ngazan dutun te edtinundug kandin. Ne imbeg̵ey kandan te zezuwa is kebayàbayà dutun te ikeepat he vahin te tivuuk he menusiyà wey zan mehimetayi pinaag̵i te gira wey vitil wey ebpenhalin he zaru wey ebpemekekaid he menge langgam.

Impezayag 6:8 Кръстосани препратки

Mateo 11:23

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu. Su is egkengein-inuwan he impeehè ku ziyan te inged niw, angin ke ingkepaahà dengan diyà te menge tigSuduma su kenà egkezezeetan te Megbevayà is inged dan, ne kemulu pa pezem guntaan.

Mateo 24:7

Ebpekidtebek is sengeinged te zuma zin he inged; ne egira is sengeg̵inhedian te zuma zin he g̵inhedian. Egkehitavù is bitil wey menge linug diyà te minsan hendei.

1 Kurintu 15:55

“Wazè en kegkehandek tew te kemetayen su wazè en ebpatey. Wazè en kegkeseeng tew tenged te kemetayen su neilisan en te untung he wazà pidtemanan.”

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Impezayag 12:4

Ne pinaag̵i te ikug din neg̵uyud din is iketelu he vahin te menge vituen diyà te langit ne nemeketimbag haazà diyà te tanà. Ne zutun edhithitindeg haazà is uled te etuvangan dutun te vahi he ed-anak su emun idlusad en haazà is id-anak din, ne egkeenen dutun te uled.

Impezayag 9:15

Ne zutun impaawè en haazà is heepat he velinsug̵uen. In-andam sikandan he zaan ne impetag̵ad sikandan taman kayi he uras, wey andew, wey vulan, wey tuig. Umba in-andam sikandan su wey zan mehimetayi is iketelu he vahin te tivuuk he menusiyà.

Impezayag 9:18

Ne pinaag̵i zutun te hapuy, wey evel, wey esupri he edlepew zutun te vèbè te menge kudà, migerè dan is iketelu he vahin te tivuuk he menusiyà.