Impezayag 6:4 - Manobo Western Bukidnon

⁴ Ne zutun midlepew is sevaha pa he kudà he utew merig̵à. Is ed-untud dutun, intug̵ut kandin he mehimu zin he mekedtetebek is tivuuk he menusiyà su wey mekebpepetayà is menge etew. Ne zuen imbeg̵ey kandin he melayat he sundang.

Impezayag 6:4 Кръстосани препратки

Mateo 10:34

Kenè niw isipa he midhendini a te kelibutan su wey wazè en kesamuk te menusiyà. Wazà a medhendini wey zuen kelinew su tenged te kedhendini ku ebpekunkuntedahà is menusiyà.

Mateo 24:6

Egkezineg niw ziyà te uvey niw is meg̵urub tenged te g̵ira ne egkezineg niw zaan is tudtul te menge g̵ira ziyà te meziyù he tanà. Iyan, kenè kew mahandek su kinahanglan he egkeulaula is iring kayi te kenè pa edtepusen heini is timpu.

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Impezayag 12:3

Ne zutun duen pa impaahà kedì diyà te langit he kebpeelunga te egkeulaula. Duen utew zekelà he merig̵à he uled he egngezanan te deragun he iyan si Setanas. Pitu is ulu zin ne sepulù is sungey zin. Ne zuen kuruna ziyà te kada sevaha zutun te pitu he ulu zin.

Impezayag 13:10

Is menge etew he imbanglis kandan is kebpirisuwa kandan ne siguradu egkepirisu sikandan. Ne is menge etew he imbanglis kandan he g̵umaan is idhimatey kandan, gumaan iyan is idhimatey kandan. Kinahanglan he sikitew is menge tumutuu te Nengazen, edsarig kiw kandin wey ed-antus kiw te kemereg̵enan.

Impezayag 17:3

Ne zutun pinaag̵i te g̵ehem te Wag̵as he Mulin-ulin mid-uwit a zuen te velinsug̵uen diyà te tanà he kenà ed-ubpaan te etew ne neehè ku zutun kes bahi. Ed-untud sikandin diyà te langgam he merig̵à. Ne haazà is langgam, insurat diyà te lawa zin is mezakel he menge gerar he utew supak te Megbevayà. Ne pitu is ulu zutun te langgam wey sepulù is sungey zin.

Impezayag 17:6

Ne neehè ku he nelangut haazà is bahi te lengesa te menge tumutuu he midhimetayan din tenged te kedtuu zan ki Jesus. Ne utew a neinuinu te kegkeahaa ku zutun te vahi.