Impezayag 6:14 - Manobo Western Bukidnon

¹⁴ Ne zutun nahanew is langit iring te velesahan he edlulunen ne is uman buntud wey is uman pulu ziyà te zag̵at, naawà dutun te nesevukan dan.

Impezayag 6:14 Кръстосани препратки

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

Impezayag 16:20

Ne nengehanew is langun he menge pulu ziyà te zag̵at. Ne nengehanew zaan is langun he menge vuntud.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.

Impezayag 21:1

Ne zutun neehè ku is beg̵u en he langit wey tanà su nahanew en is nehuna he langit wey nehuna he tanà ne wazè en maan dag̵at.