Impezayag 6:12 - Manobo Western Bukidnon

¹² Ne neehè ku he id-awà dutun te nati he kerehidu is ikeenem he tiyap dutun te velesahan. Ne zutun midlinug he utew mezesen ne mibmeitem is andew ne henduen be te manggad he saku he meitem utew. Ne mibmerig̵à is bulan he iring te lengesa.

Impezayag 6:12 Кръстосани препратки

Mateo 11:21

Ne ke sikandin te, “Mekehizuhizu kew is menge tigKurasin! Mekehizuhizu kew zaan is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku heini ziyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan is ulu zan he tuus te ed-iniyug̵an dan en is memezaat he ulaula.

Mateo 24:29

Ne emun egkeiwas haazà is timpu te kemeresayan, kenè en edsilà is andew ne kenè en daan ed-anlag is bulan. Egkengeulug is menge vituen diyà te langit, ne egkengewaleng is menge kedesenan diyà te hewhewanan.

Mateo 24:7

Ebpekidtebek is sengeinged te zuma zin he inged; ne egira is sengeg̵inhedian te zuma zin he g̵inhedian. Egkehitavù is bitil wey menge linug diyà te minsan hendei.

Mateo 27:45

Ne te neudtu en is andew zutun, midtik-ew mebmerusirem is tivuuk he kelibutan seled te menge tetelu he uras.

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Mateo 28:2

Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Marcos 15:33

Ne hein neudtu zutun is andew, midtik-ew mebmerusirem is tivuuk he kelibutan seled te menge tetelu he uras.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.

Impezayag 16:18

Ne zutun nezineg ku is utew memezag̵ing ne neserasab is kilat ne mibpemeransì ne midlinug te utew mezesen. Sikan pa meseg̵azi te etew haazà is linug he utew mezesen he iring dutun!

Impezayag 16:8

Ne zutun haazà is ikeepat he velinsug̵uen, mid-ulaan din diyà te andew is lediyà he ziyà te kandin. Ne haazà, nehimu is andew he ebpeketutung te menusiyà.

Impezayag 8:12

Ne zutun midhiyup te ikeepat he velinsug̵uen is budyung din. Ne nesug̵at is iketelu he vahin te andew, wey is iketelu he vahin te vulan, wey is iketelu he vahin te menge vituen. Ne tenged kayi naawà is kerayag te iketelu he vahin te menge vituen. Ne seled te iketelu he vahin te timpu te kada andew, mibmerusirem utew. Ne iring din ded daan seled te iketelu he vahin te timpu te kada kezukileman.

Impezayag 8:5

Ne zutun, sikan is belinsug̵uen, mibpenù din is lediyè din te menge vag̵a he ebpuun dutun te pemuhatà ne intimbag din haazà is lediyà diyà te tanà puun dutun te langit. Ne zutun mibpemeransì, ne zuen utew memezag̵ing, ne egkeserasab is kilat, ne midlinug.