Impezayag 6:1 - Manobo Western Bukidnon

¹ Ne zutun mibantey a ne in-awà dutun te nati he kerehidu haazà is egkehuna zutun te pitu he tiyap dutun te velesahan, ne nezineg ku is migkag̵i te sevaha zutun te heepat he linimbag, ke sikandin te, “Na, genat ke en!” Ne iring te beransì is dag̵ing dutun te kegkag̵i zin.

Impezayag 6:1 Кръстосани препратки

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Nengeulaula 4:20

Kenà egehimu he kenè dey idsangyew is nezineg dey wey is neehè dey,” ke si Pedro.

Impezayag 11:19

Ne ziyà te langit mibpuwasan is simbahan he Valey te Megbevayà ne naahà dutun te seled is kavan he midteg̵uan duen te insurat he menge pesarig te Megbevayà. Ne zutun neserasab is kilat, ne zuen utew memezag̵ing, ne mibpemeransì, ne midlinug, ne mibpenggiyew te utew zezekelà.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

Impezayag 14:2

Ne zutun nezineg ku is egkag̵i ziyà te langit ne is kegkag̵i zin, henduen be te zeg̵urus te utew mezakel he menge wahig wey iring te utew mezag̵ing he veransì. Haazà is egkag̵i he nezineg ku, ne henduen be zaan te menge zag̵ing te utew mezakel he ebpemen-arpa.

Impezayag 19:6

Ne nezineg ku is kegkag̵i zutun te utew medmezakel he menge etew he iring te zeg̵urus te utew zekelà he evag̵a wey henduen daan te egkengelilid he rug̵ung. Ke sikandan te, “Delig̵a is Megbevayà su is Megbevayè tew he mekeg̵eg̵ehem he Nengazen, ne iyan sikandin edhadì!

Impezayag 4:8

Ne heini is heepat he linimbag, heenem is pakpak te uman sevaha kandan. Neeneb te mata is lawa zan wey is diyà te zizalem te pakpak dan. Ne te maandew wey mezukilem, iyan dà baal zan is kenè en egkepangkus he kegkanta. Ke sikandan te, “Wag̵as, wag̵as, wag̵as is Megbevayà. Nengazen sikandin he ebpekehimu te minsan hengkey. Iyan sikandin sikan is Megbevayà he zengan, guntaan, wey keuzemà te wazà pidtemanan.”

Impezayag 5:1

Ne haazà is ebpimpinuu ziyà te pinuuwà te edhadì, neehè ku he egewezan din diyà te kewanan he velad din is midlulun he velesahan. Midsuratan is pesiziveluyà dutun te velesahan ne zuen pitu he tiyap he impezeket dutun su wey kenà meebriyi.

Impezayag 5:12

Ne migkanta zan is langun ne utew mezag̵ing is kegkanta zan. Ke sikandan te, “Is nati he kerehidu he mibpehimatey, dait sikandin he edelig̵en su dekelà is gehem din, dekelà is naazen din, dekelà is ketau zin, dekelà is desen din. Ebentug̵en dey, edtehuzen dey wey edelig̵en dey sikandin!”

Impezayag 5:8

Ne hein nekuwa zin en haazà is belesahan, sikan is menge heepat he linimbag wey is menge keluwaan wey heepat he ebmeg̵urangen, midlangkeb dan diyà te etuvangan dutun te nati he kerehidu su ed-ezapen dan. Ne zuen arpa te uman sevaha zutun te menge ebmeg̵urangen ne zuen egewezan dan he menge lediyà he vulawan he nepenù te veyewà he edtutungen su wey zuen mehemut he evel ne iyan kehulug̵an dutun is menge ked-ampù te menge etew he g̵aked te Megbevayà.

Impezayag 6:3

Ne zutun in-awà te nati he kerehidu is ikezuwa he tiyap dutun te velesahan, ne nezineg ku he migkag̵i haazà is ikezuwa he linimbag, ke sikandin te, “Genat ke en!”

Impezayag 6:5

Ne hein in-awà dutun te nati he kerehidu haazà is iketelu he tiyap dutun te velesahan, nezineg ku he migkag̵i is iketelu he linimbag, ke sikandin te, “Genat ke en!” Ne neehè ku zutun he midlepew is kudà he meitem ne zuen timbangan he igkulang te ed-untud dutun.

Impezayag 6:7

Ne in-awà dutun te nati he kerehidu is ikeepat he tiyap dutun te velesahan ne nezineg ku he egkag̵i is ikeepat he linimbag, ke sikandin te, “Genat ke en!”

Impezayag 8:1

Ne hein in-awà te nati he kerehidu kes ikepitu he tiyap dutun te velesahan, naawà is egkengezineg diyà te ed-ubpaan te Megbevayà diyà te langit seled te liwazà te uras.