Impezayag 5:5 - Manobo Western Bukidnon

⁵ Ne zutun migkeg̵iyan a te sevaha zutun te menge meg̵urang. Ke sikandin te, “Kenè ka sineg̵ew su si Jesus, sikan is migeraran he erimaung he kevuwazan ni Huda wey kevuwazan ni Hadì David, iyan sikandin nekezaag ki Setanas, umba zuen din ketenged te ked-abri te velesahan wey te ked-ewaa te pitu he menge tiyap dutun.”

Impezayag 5:5 Кръстосани препратки

Lucas 23:28

Ne midlilingey si Jesus diyà te kandan ne migkag̵i te, “Sikiyu is menge vahi he tigHiruselim, kenà a iyan keniyu sineg̵awi, kekenà, iyan niw sineg̵awi is egkeulaula niw wey te menge anak niw.

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Lucas 8:52

Ne zutun, is langun he menge etew he nerivurun dutun, egkengeg̵isaweg sikandan ne ebpemenineg̵ew su nengeseeng. Ne migkeg̵iyan sikandan ni Jesus te, “Kenè niw sineg̵awi su wazà mebpatey heeyan is batà, kekenà, midlipezeng dà!”

Juan 20:13

Ne mid-insaan dan si Maria te, “Bayi, hengkey is idsineg̵ew nu?” Ne ke si Maria te, “Migkuwa te etew is lawa te Nengazen, ne wazè ku metueni ke hendei zan uwita!”

Ruma 1:3

Tudtul heini te keag̵i te Nengazen tew he si Jesu Kristu he Anak te Megbevayà. Ne heini si Jesus, nehimu he etew su in-anak sikandin he kevuwazan te tipehuna he hadì he si David.

Ruma 15:12

Ne zuen pa migkag̵i zengan ni Esaias he egkevasa ta, ke sikandin te, “Duen ebpekeuma he kevuwazan ni Isai ne iyan sikandin edhadì te menge etew he kenà menge Hudiyu. Ne iyan sikandin edserig̵an dan,” ke sikandin.

Impezayag 1:1

Iyan heini kedtudtula te impezayag ni Jesu Kristu. Insarig heini kandin te Megbevayà wey zin daan ikepesavut diyà te menge sulug̵uen te Megbevayà ke hengkey is meg̵aan en he egkengeulaula. Impesavut heini ni Kristu pinaag̵i te kedsug̵ua zin te velinsug̵uen din diyà te kediey te sulug̵uen din he si Juan.

Impezayag 22:16

“Siak si Jesus, midsug̵ù ku ziyan te keniyu te menge tumutuu is belinsug̵uen ku wey zin metudtul heini is langun. Iyan a sikan is kevuwazan te hadì dengan he si David. Iyan a sikan is iring te mekevugwas, kes bituen he ed-anlag ke egkepkepawè en,” ke si Jesus.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.

Impezayag 4:10

keluwaan wey heepat he ebmeg̵urangen diyà te etuvangan din ne ed-ezapen dan is wazè din kemetayen he Megbevayà. Ne haazà is menge kuruna zan, idsavuk dan dutun te etuvangan te pinuuwà su ibeg̵ey zan diyà te Megbevayà. Ne zutun te kedsevuka zan dutun, edhabet dan egkag̵i te,

Impezayag 4:4

Ne zuen daan dutun keluwaan wey heepat he pinuuwà he nekeelingkus dutun te pinuuwà te edhadì. Ne zutun ebpememinuu is keluwaan wey heepat he ebmeg̵urangen. Meputì is bisti zan ne zuen insuup diyà te ulu zan he menge kuruna he vulawan.

Impezayag 5:4

Umba mibmesakit is gehinawa ku ne midsineg̵ew a su wazà naahà he zait he ed-abri wey ebasa zutun te velesahan.

Impezayag 6:1

Ne zutun mibantey a ne in-awà dutun te nati he kerehidu haazà is egkehuna zutun te pitu he tiyap dutun te velesahan, ne nezineg ku is migkag̵i te sevaha zutun te heepat he linimbag, ke sikandin te, “Na, genat ke en!” Ne iring te beransì is dag̵ing dutun te kegkag̵i zin.

Impezayag 7:13

Ne zutun migkeg̵iyan a te sevaha zutun te menge ebmeg̵urangen, ke sikandin te, “Hentei heini is mibpenun-uzan te meputì wey hendei zan ebpememuun?”