Impezayag 5:10 - Manobo Western Bukidnon

¹⁰ Midhimu nu he iyan dan edhedian nu; ne midhimu nu zaan he menge memumuhat sikandan he iyan kebpemuhat dan is ked-ezapa zan te Megbevayà tew. Ne ibpahadì nu sikandan diyà te kelibutan.”

Impezayag 5:10 Кръстосани препратки

Impezayag 1:6

Midhimu zin he iyan kiw edhedian din wey iyan kiw memumuhat he iyan kebpemuhat tew is ked-ezapa tew te Megbevayà he Amey zin. Tehuza sikandin wey medhadì sikandin te wazà pidtemanan!

Impezayag 20:4

Ne zutun neehè ku is menge pinuuwà te edhadì. Ne is ebpememinuu zutun, mibeg̵ayan sikandan te keg̵ehem te kedhukum wey kebeg̵ey te kukuman. Neehè ku zaan is menge g̵imukud te menge etew he midhimetayan tenged te insangyew zan is Lalag te Megbevayà wey is impenurù ni Jesus. Wazè dan med-azap duen te langgam wey te ledawan te langgam, ne wazè dan daan mebpetiyap te tiyap te langgam diyà te vuked dan wey ke ziyè be te velad dan. Nengevanhew sikandan ne impehadì sikandan duma ki Kristu seled te nengkelibu he tuig.

Impezayag 20:6

Utew egkengelipey wey edtuvazan te Megbevayà haazà is egkengevanhew zutun te egkehuna he kegkevanhew. Kenè dan en ebpekeragkes duen te ikezuwa he kemetayen he iyan sikan is ranew he regreg. Menge memumuhat sikandan he ed-azap te Megbevayà wey ki Kristu. Ne ebpekehadì dan duma ki Kristu seled te nengkelibu he tuig.

Impezayag 22:5

Wazè en dutun mezukilem ne wazè en kinahanglan he zuen pa sulù wey silà te andew su iyan sulù dan is Megbevayà he Nengazen te langun, ne edhadì sikandan te wazà pidtemanan.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.