Impezayag 5:1 - Manobo Western Bukidnon

¹ Ne haazà is ebpimpinuu ziyà te pinuuwà te edhadì, neehè ku he egewezan din diyà te kewanan he velad din is midlulun he velesahan. Midsuratan is pesiziveluyà dutun te velesahan ne zuen pitu he tiyap he impezeket dutun su wey kenà meebriyi.

Impezayag 5:1 Кръстосани препратки

Impezayag 10:2

Ne ziyà te velad din egewezan din is nevekar en he zeisek he velesahan. Is kewanan he paa zin, ne ziyè din ig̵iek te lawed te zag̵at ne is givang, ne ziyà te tanà.

Impezayag 4:3

Ed-ilak-ilak is paras din ne henduen be te menge mahal he vatu he haspi wey kurnalina. Ne mid-elingkus dutun te pinuuwà is belugtu he meilem he utew merayag su iring te mahal he vatu he ismiralda.

Impezayag 4:9

Ne haazà is heepat he linimbag, emun ebentug̵en dan wey edtehuzen dan wey ebpeselematan dan is wazà pidtemanan he Megbevayà he ebpimpinuu zutun te pinuuwà te edhadì, edlangkeb sikan is

Impezayag 5:13

Ne zutun nezineg ku is kegkanta te langun he menge linimbag he ziyà te langit, dini te tanà wey ziyà daan te zizalem te tanà wey ziyà te zag̵at. Ne migkanta is langun he linimbag he ziyà te minsan hendei. Ke sikandan te, “Is ebpimpinuu ziyà te pinuuwà te edhadì wey is nati he kerehidu, delig̵a sikandan, tehuza sikandan, wey ventug̵a sikandan te wazà pidtemanan su iyan dan mekeg̵eg̵ehem!”

Impezayag 5:7

Ne haazà is nati he kerehidu, mid-uvey ne migkuwa zin sikan is belesahan he ziyà te kewanan he velad te ebpimpinuu zutun.

Impezayag 6:1

Ne zutun mibantey a ne in-awà dutun te nati he kerehidu haazà is egkehuna zutun te pitu he tiyap dutun te velesahan, ne nezineg ku is migkag̵i te sevaha zutun te heepat he linimbag, ke sikandin te, “Na, genat ke en!” Ne iring te beransì is dag̵ing dutun te kegkag̵i zin.

Impezayag 6:16

Ne mibpemengulahì dan diyà te menge vuntud wey menge vatu. Ke sikandan te, “Lilizi key su wey key kenà maahà te ebpimpinuu ziyà te pinuuwà te edhadì he ziyà te langit ne wey key zaan kenà meumahi te pauk te nati he kerehidu.

Impezayag 8:1

Ne hein in-awà te nati he kerehidu kes ikepitu he tiyap dutun te velesahan, naawà is egkengezineg diyà te ed-ubpaan te Megbevayà diyà te langit seled te liwazà te uras.