Impezayag 3:8 - Manobo Western Bukidnon

⁸ Netuenan ku is menge ulaula niw. Ne minsan pa te pirapira kew zà he leg̵as, metinumanen kew te menge lalag ku ne wazè niw engkezi is kedtuu niw kediey. Umba, is gemawan he ibayè niw, mibpuwasan ku en ne kenè en egkelekevan te minsan hentei, he ke và dà egkeg̵iya, wazè en ebpekesanggen keniyu te ibpeulaula ku keniyu.

Impezayag 3:8 Кръстосани препратки

Lucas 12:9

Ne sikan is etew he egkag̵i ziyà te menge etew he kenà a iyan egalen din, ne kenè ku zaan sikandin ed-engkenen diyà te etuvangan te menge velinsug̵uen te Amey ku he ziyà te langit.

Juan 15:20

Tentenuzi niw is migkag̵i ku keniyu he is sulug̵uen, kenà lavew te egalen din. Su ke mibpesipelahan e zan is egalen niw, iyan kew pe be kenè dan pesipelahi. Ke edtumanen te menge etew is kedì he penurù, edtumanen dan daan is keniyu.

Juan 17:6

Is menge etew he imbeg̵ey nu kediey zini te kelibutan, impesavut ku kandan ke hentei ka. Kenikew sikandan he zaan ne imbeg̵ey nu kediey ne midtuman dan en is insug̵ù nu kandan.

Nengeulaula 14:27

Ne hein nekeuma zan diyà te Entiyukya, midtig̵um dan is menge tumutuu ne midtudtul zan is langun he nehimu te Megbevayà pinaag̵i kandan wey is kedhimuwa zin te paag̵i wey meketuu is menge etew he kenà Hudiyu.

1 Kurintu 16:9

Su mezakel pa zini is egkesuat he ebpemineg te Lalag te Megbevayà ne zekelà is pulus te ked-ubpè ku kayi, asal, mezakel zaan dini is menge kuntada te Megbevayà.

2 Kurintu 2:12

Menge suled, hein midhendiyà a te inged he Truwas te kedsangyew te Meupiya he Tudtulanen, neehè ku he midhimu en te Nengazen is paag̵i wey ku ikepelaus is ebpeveelan din kedì.

Pilipus 4:13

Egkehimu ku is minsan hengkey he ibpeulaula kedì tenged te tavang ni Kristu he iyan edlig-en kedì.

Kulusas 4:3

Ne emun ed-ampù kew, iampù key zaan keniyu. Ampù kew he himuwa te Megbevayà is paag̵i wey key mekesangyew te in-eles dengan he lalag din mehitenged ki Kristu. Umba zini a g̵untaan te pirisuwan su insangyew ku heini is lalag.

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.

2 Timoteo 4:7

Nepasad ku en is kebenggaa kedì te Megbevayà; nekeuma ad te edungguan te edlumbà. Hustu is ked-ikula ku te tutuu he tuluuwen.

Hudas 1:4

Umba kinahanglan he egkeg̵iyen ku heini su zuen menge etew he nekeamur keniyu, iyan, id-eles dan he kenà hustu is edtuuwan dan. Wazè dan kedtahud te Megbevayà; edhelinen dan pezem is tutuu he tuluuwen su ibpenurù dan he egkehimu ke ed-ul-ulahan tew is meremerik su utew kun belig̵eg̵awen is Megbevayà ne ebpeseyluwen kiw zin gihapun. Kenè dan edtuu he si Jesu Kristu, iyan dà egalen tew wey Nengazen tew. Dengan dà isurat te menge ebpeneuven te Megbevayà ke hengkey is silut kandan.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.

Impezayag 22:7

Ne egkag̵i si Jesus te, “Meg̵aan e en ebpekeuma! Utew egkengelipey is langun he edtuman te menge lalag ku he impezayag keniyu kayi te libru.”

Impezayag 3:1

Ne ke sikandin maan te, “Pesurati nu is belinsug̵uen he impevantey te Megbevayà diyà te menge tumutuu he ziyà te inged he Sardis. Ke sikew te, ‘Iyan a si Jesu Kristu is egkag̵i; iyan a ebayàbayà te Wagas he Mulin-ulin he pitu is gehem din. Ne iyan a zaan egawed te pitu he vituen. Netuenan ku is menge ulaula niw. Mezakel is egkag̵i he zuen niw en untung he wazà pidtemanan, iyan, kenè kew en edsunud kediey.

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.

Impezayag 3:15

Nesayud a te langun he menge ulaula niw. Kenè kew meinit ne kenè kew zaan meg̵enew, he ke và dà egkeg̵iya, kenè kew menge kuntada ku ne kenè kew zaan menge sakup ku.

Impezayag 3:7

Ne ke sikandin en maan te, “Pesurati nu is belinsug̵uen te Megbevayà he ebantey te menge tumutuu ziyan te inged he Piledilpya. Ne ke sikew te, ‘Siak si Jesus is egkag̵i; iyan a sikan is egkeserig̵an he mibpilì te Megbevayà. Imbeg̵ey kedì is keg̵ehem te kedhadì te g̵inhedian ku iring te kedhadì dengan ni Hadì David. Ne emun duen ebpuwasan ku wey mekeseled dutun te g̵inhedian ku, kenè en egkelekevan te minsan hentei. Ne emun duen etew he edlekevan ku, kenè en daan egkepuwasan te minsan hentei.