Impezayag 3:3 - Manobo Western Bukidnon

³ Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.

Impezayag 3:3 Кръстосани препратки

Mateo 25:13

Ne ke si Jesus te, “Iring dutun, kinahanglan he andam kew su wazè niw metueni ke hengkey he andew wey ke hengkey he uras is kedlikù ku.

Marcos 13:33

Ne tenged kayi, mebpekevantey kew ne tag̵amtag̵am kew su kenè niw heini egketuenan ke keenu.

Marcos 13:36

Kinahanglan he kenè ku sikiyu egkeumahan he nekelipezeng dutun te kedtekewtekew ku kedlikù.

1 Tiselunika 5:2

Su netuenan niw en he iring te tekawen he ebpekeuma ke mezukilem is kegketuman te andew te kedlimas te Nengazen, su egketingkemed is menusiyà.

1 Timoteo 6:20

Sikew Timoteo, purungi nu tumana is tuluuwen he insarig kenikew. Likayi nu is menge etew he supak te Megbevayà is kegkag̵ikag̵i zan. Likayi nu zaan is kunaan te zuma ke tutuu en he ketau.

2 Timoteo 1:13

Is tutuu he tuluuwen he impenurù ku kenikew, kinahanglan he iyan layun edsunuzen nu. Hemeni nu is kedtuu nu te Megbevayà wey is kebmahala nu te menge zuma nu su iyan heini tuus te kebpekidsevaha ta ki Jesu Kristu.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

2 Pedro 1:13

Su taman te kemulu e pa zini te kelibutan meupiya ke igkepezineg ku keniyu heini su wey kenè niw melipati.

2 Pedro 3:1

Minahal he menge suled ku, ikezuwa en heini te kebpesurati ku keniyu. Iyan tuyù ku kayi te kezezuwa ku kebpesurati keniyu is: wey kew mekeisip te hustu pinaag̵i kayi te menge sambag ku keniyu.

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

Impezayag 16:15

Ne zutun nengetig̵um te menge mezaat he mulin-ulin is menge hadì wey is menge sundaru zan diyà te tanà he migngezanan te Ermegidun te kineg̵iyan he Hibriyuhanen. “Purungi niw pemineg̵a heini,” ke si Jesu Kristu, “su iring te kebpekeuma te tekawen is kedlikù ku. Is etew he kenà edlipezeng ne ed-endamen din is bisti zin, he ke và dà egkeg̵iya, ebpeebuten e zin, egkelipey sikandin dutun su kenà sikandin egkelevasan, he ke và dà egkeg̵iya, kenà sikandin dutun egkepeel-elezan.”

Impezayag 2:25

Iyan dà is: hemeni niw is netuenan niw en taman te ebpekeuma a.

Impezayag 2:5

Tentenuzi niw sikan is kedekelaa niw zengan kediey ziyà te g̵ehinawa niw; iniyug̵i niw is mezaat he ulaula ne ul-ulaha niw is meupiya he mid-ulaula niw zengan su emun kenà, ebeyaan ku sikiyu. Ne id-awè ku is sulù niw ziyà te selevukè din emun kenè niw edlikuan is daan he ulaula niw.

Impezayag 22:7

Ne egkag̵i si Jesus te, “Meg̵aan e en ebpekeuma! Utew egkengelipey is langun he edtuman te menge lalag ku he impezayag keniyu kayi te libru.”

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.

Impezayag 3:2

Kenè kew lipezeng, kekenà, lig-eni niw is egkesamà he zesen te kedtuu niw su henduen be te egkeawè en. Netuenan ku he utew zekelà is kurang niw su is menge ulaula niw, kenà egkesuatan te Megbevayà.